It(em) cont zij allen lieden dat jan vranx sone wout(er)s wilen vranx in jege/ woirdicheit der scepenen van loeven(e) gestaen heeft genome(n) en(de) bekent/ dat hij genome(n) heeft van he(re)n oliviere vand(er) beerct canonick regulier/ en(de) p(ro)curator des goidshuys van gruenendale in zonien inden name/ ende van weghen des voirs(creven) goidshuys de goede des selfs goidshuys/ geheten de goede van rosierbosch hier na bescreven inde prochie/ van erpse gelegen inden iersten een dachwant lands geleghe(n) opt/ velt tusschen cortenb(er)gen en(de) d(e) eyngerstrate(n) achter jans hoff van herent/ neven de goede hugenscats en(de) byde goede henrix lyedens It(em) ander/ half dachmael lants gelegen aldaer opt selve velt neven den/ voetpat gaende t(er) eyng(er)straten wairt tusschen de goede osts vanden/ dorpe en(de) der kijnde(re) lyedens It(em) and(er)half dachmael lands opten scibberch/ tussche(n) de goede des voirs(creven) goidshuys die jan van ranshem te pacht/ houdt en(de) de goede des voirs(creven) hugenscats It(em) een half dachmael lands/ gelegen acht(er) jans vranx hof voirs(creven) dwelc de selve jan ingeslage(n)/ heeft tusschen de goede he(re)n wentelijns tserclaes en(de) de goede jans/ vranx voirs(creven) welc lant staphans voirscr(even) de voirs(creven) wyn laten sal/ ten inde vand(en) t(er)mijne hier na bescreve(n) met rogge besaeit op vier/ getidege voren It(em) vijfvierdel lants geheeten dbloexten gelegen langs
//
tusschen de strate gaende van meerbeke te scoenarden wairt ende de goede/ wittekens van vorslaer van bruessel It(em) ander half dachmael lands gelegen/ opt vorstvelt tusschen die goede jan gheylinx van loeven(e) en(de) der capelen/ lant van erpse die hendrick wilen heilen aldaer fundeerde It(em) vieren(de)/ een half dachmael lands gelegen opten uutbosch neve(n) den wech/ gaende van wout(er)s walrave(n)s te wynegen wairt tusschen de goede raes/ van grave(n) he(re) van hev(er)le en(de) de goede huge(n)scats voirs(creven) It(em) drie en(de)/ een half dachmael lands gelegen aldair aende stichgel tusschen de/ goede des voirs(creven) raes en(de) de goede katlijne(n) vand(en) steenwege It(em) een/ boender lands gelegen neven den wech come(n)de vanden cloest(er)gate/ en(de) gheet ten cloester wairt van cortenb(er)ge tusschen de goede der voirs(creven)/ capelrien van quaderebbe ende der capelrien van quaderebbe It(em) drie(n)/ dachmael lands gelegen op quarebbe couthe(r) in twe stucken aen doude/ strate aldair dair af die twe dachmael gelegen gelegen sijn neve(n)/ de goede jans storms en(de) tderde dachmael is gelegen tusschen de goede/ yort wevels en(de) die goede des voirs(creven) goidshuys van gruene(n)dale die/ jan van ranshem voirs(creven) van hen te pachte houdende is ende dit/ lant staphans voirs(creven) is sal de voirs(creven) wyn ten eynde van sijnen t(er)mijne laten/ met gersten besaeit op drie getidege voere(n) It(em) een boend(er) lands gelegen/ opten uutboch opten berch gaende teversberge wairt tusscen tpedeken/ aldair en(de) hugen scats lant voirs(creven) en(de) dlant der kijnde(re) jans baten van loven(e)/ It(em) de helicht van twe boender lands gelegen opt scoenarden velt voe(r) wout(er)s/ van yssche come(n)de opde beke aldair welc lant nu staphens voirg(eruert)/ sal de voirs(creven) wyn laten met evene(n) besaeit op twe getidege voren/ It(em) dand(er) helicht vande(n) twe(en) boend(er) lands staphans voirscr(even) ghelege(n)/ opt scoenarden velt voe(r) wout(er)s van yssche voirscr(even) It(em) een half boend(er)/ lands gelegen opt selve velt tusscen de twe broecstraten en(de) de heylichs/ geests lant van erpse It(em) een boend(er) lants gelegen opte hoeve acht(er)/ oliviers hof van pursele neven de goede des goidshuys van corte(n)berge/ It(em) een half boend(er) lants gelegen opte guldendelle tusschen des selfs/ goidshuys lant van corte(n)berge en(de) de goede walrave(n)s bote It(em) een boe(n)d(er)/ lands gelegen op de hoegelingen tusscen de goede der tsafelen sheylich/ geests van quaderebbe en(de) de goede jans van beerhem It(em) sesse/ en(de) een half dachmael lands gelegen aldair ond(er) hoegelingen aen/ de side tot erpse wairt tusscen de goede jans wevels ende de goede
//
wout(er)s van steenb(er)ge It(em) een half dachmael lands gelegen opt dwijnmole(n)/ velt ontrent skeysers poel tusscen de goede henrix de clercq van stertbeke/ en(de) de goede henrix de keyser van lare ende dit landt t(er)stont voirs(creven) sal/ de voirs(creven) wyn laten te sijnen af scheiden ens gheer(re)nt It(em) sesse dachmael/ elsboch gelegen ter diebruggen tusschen de goede he(re)n jans van quaderebbe/ priesters en(de) die strate aldair ende bide goede jans mathijs It(em) sesse/ dachmael maeybeemde gelegen acht(er) hoegelingen neve(n) de beke tussce(n)/ de goede jans keynoege van loeven(e) en(de) de goede h(er)mans wissele(re) van/ bruessel It(em) een half boend(er) eussels daer bij gelegen come(n)de mette(n)/ inde neve(n) de goede jans keynoeges voirs(creven) ende metten ande(re)n eynde/ neve(n) de goeye vroue(n) van yssche It(em) ander half dachmael beemds/ gelege(n) aldair tussche(n) de goede des heyliche geests van erpse en(de)/ de goede jan mathijs It(em) sesse dachmael eussels gelegen bij tcloest(er) tcloest(er)/ van cortenb(er)ge achter de goede arnts van beerhem tusscen de goede/ des selfs goidshuys en(de) des selfs arnts van beerhem gelijc de voirs(creven) goede/ aldair gelegen sijn luttel myn oft meer inde mate houdende Te/ houden te hebben en(de) te wynne(n) van halfmerte naestcomen(de) eene(n) t(er)mijn/ van twelf jae(re)n langc deen na dande(r) daer na sonder middel/ volgen(de) elxc tjaers dae(re)n bynne(n) voe(r) en om driendertich rijns(che) gulden(en)/ van goude goet en(de) geve te weten deen helicht daer af te half/ meye en(de) dander helicht tons(er) vrauwe(n) nativitas dage te betalen/ den voirs(creven) t(er)mijn duren(de) en(de) telken t(er)mijne alse v(er)volge de schout/ Ende is vorw(er)t dat de voirs(creven) jan planten sal bynne(n) den twe(en)[b]/ iersten[a] jare(n) twehodert alboeme(n) custbare(n) poeten en(de) de vier jaer/ langc op sijne(n) cost en(de) last houden(de) wassen(e) ter plaetsen en(de) steden/ t(er) erven en(de) goeden voirg(eruert) dairt meest p(ro)fit en(de) orber es en(de) de voirs(creven)/ poeten best groeien en(de) wassen selen moegen Voirts es voirw(er)de/ dat de voirs(creven) wyn de voirs(creven) goede den voirg(eruerde) t(er)mijn due(ren)de wel/ en(de) loflic wynne(n) en(de) werve(n) sal gelijc sijnen reengenoeten bove(n) en(de)/ benede(n) en(de) die laten ten eynde vande(n) voirs(creven) t(er)mijne gelijc bove(n)/ gescreve(n) en(de) verclaert steet It(em) sal de voirs(creven) wyn op dierste jae(r) vand(en)/ voirs(creven) t(er)mijn de voirs(creven) sesse dachmael eussels gelege(n) in [bij] tcloester/ van cortenb(er)ge acht(er) de goede arts va(n) beerhen besetten al o(m)me en(de)/ to(m)me met goeden custba(r)en alboemen poeten op thien voete(n) na een
//
en(de) die levende in goeden state houden vier jaer lanc sonder cost des/ voirs(creven) goidshuys van gruenendale en(de) heggen en(de) hagen dair opstae(n)de/ uutroden alsoe dat te sine(n) afsceiden den gront suver blive(n) sal It(em) es den/ voirs(creven) wynne ge[con]sentert alse vanden sess dachmael elsbosch ter diebrugge(n)/ gelegen dat hij om sijns geriefs wille die sal moegen deilen in drie/ houden also nochtan dat deen doer dande(r) tot sijne(n) afscheiden drie jaer/ oudt sijn sal It(em) heeft noch die voirs(creven) wynne genome(n) vanden prioer/ en(de) co(n)vent des goidshuys van gruenendale voirs(creven) een half boender/ wynne(n)s lants gelege(n) inde voirs(creven) p(ro)chie van erpse opt velt achter/ jans vanden male tussche(n) die goede wout(er)s coels en(de) de goede steve(n)/ claes Te houden te hebben en(de) te wynne(n) den t(er)mijn voirs(creven) due(re)nde elx/ jaers o(m)me een mudde rogs goede en(de) payabel der mate(n) van loeven(e)/ tsente andriesmesse apostels te betalen en(de) tot loeven(e) leve(re)n alle/ jae(re) den voirs(creven) t(er)mijn due(re)nde en(de) telken t(er)mijn als v(er)volghde schout It(em)/ sal de selve wyn tvoirs(creven) half boender lands wel en(de) loflic wynne(n)/ en(de) werve(n) gelijc sijne(n) reengenoten bove(n) en(de) benede(n) Ende alle dese/ poente(n) voerwarden en(de) condicien bove(n) bescreve(n) heeft geloeft de voirs(creven)/ wyn den voirs(creven) goidshuyse van gruene(n)dale wel en(de) volcomelic te voldoe(n)/ tallen tijden als sij valle(n) en(de) verschine(n) selen en(de) telken t(er)mijne alse/ vervolghde schout wijtvliet cap(elle)[ma(n)] junii xx