Item uut dien dat roelof vranx die naden rechte der stad van loeven(en) den/ xvi[ten] dach van novemb(ri) int jair xiiii[c] xxxvi comen en(de) beleidt w(er)t totten haeflik(en)/ goeden claes geheten coel van montenaken zo waer die bevonden mogen werden/ opten dach van heden hadde doen inscriven jannese van monthenaken geheten/ coels zoon des voirs(creven) coels en(de) arnde vand(er) meynartshoven die de dochter heeft/ svoirs(creven) coels die hem ongebruyc deden aen de haeflike goede hier na genoe(m)pt/ te weten yerst aen v coeye en(de) vi calve(re)n de iii van eenen jae(re) en(de) iii van/ sjae(re) It(em) aen een soch met vi jongen en(de) aen iiii loepers en(de) i voelen/ It(em) aen ix te(n)nen scotelen zo cleyn zo groet en(de) vier dobbelie(re) ii tennen/ flesschen iii quaertca(n)nen en(de) aen iii derdelka(n)nen It(em) aen iiii eren potte/ i hantvatervat i becken en i lavoer It(em) aen iii pa(n)nen zo cope(re)n zo/ ijse(re)n ii ganspannen ii kandele(re)n ii soutvate eenen hael ii spete eenen/ roester i tange en(de) i hangen(d)ijser It(em) aen iii zwerte ketele It(em) aen eene/ vouden(en)tafele en(de) i vouden(en)zijdele een banck en(de) noch een voirzijdele It(em) aen/ vi bedden It(em) aen een half dosijne goed(er) cussen(en) v oercussen(en) en(de) vii dage/ lixsche cussen(en) It(em) aen i coetse ii scrijnen eenen kom ii yse(re)n hoede/viii paer greven? ii paer coppe ii paer hantschoen iii paer scoud(er)lappe een/ pansier een hontscovele eenen crage ii borste een rijcleet en(de) ii ijseren/ gerden It(em) aen ii roede zaergen en(de) een wit cleet aen ii coetsen een/ vouwen(d)zijdele en(de) een ande(re) zijdele en(de) drie bedstede It(em) aen eenen schonen/ hertshoe(re)n een rynne eenen vrouwen desch een(en) staenden desch iiii terdecupe(n)/ en(de) ii wijnvate En(de) de selve twee p(er)sone tot hue(re)n dage van rechte niet/ comen en zijn noch oic hen p(rese)nteerden so wijsde tvo(n)nis d(er) scepen(en) van/ loeven(en) bijd(er) contumacien svoirs(creven) jannes en(de) arnts datmen den voirs(creven)/ roelove vanden voirs(creven) haefliken goeden houden zoude in zijnen beleide also/ verre het noch voe(r) hen comen was p(rese)nt(ibus) om(n)ib(us) scab(inis) dempt(o) abs(oloens) junii/ xxi