Van vranck(en) de ridde(re)/ It(em) na dat theeus keldermans die geleid is totten goeden jans wilen keldermans zijns/ vad(er)s hadde mids machte van dien also hij dede inden rechte opdoen voe(r) meye(r)/ en(de) scepen(en) ald(aer) dat hij arnde van gheitenrode scaelgedecke(r) en(de) yden steltene(re)n/ zijnen wive hadde doen bevelen met eenen vorster te ruymen en(de) hoir hande/ te doen vanden huyse den voirs(creven) goeden toebehoiren(de) daer de voirs(creven) arnt en(de) yde/ inwonen oft des op heden in trecht te comen D(aer)toe de voirs(creven) theeus zijnen/ eed bieden(de) dat de voirs(creven) yde tvoirs(creven) huys niet gehuert en hadde
//
ende dairna vranck de ridd(ere) geleidt totten goeden d(es) voirs(creven) yden d(aer)op hadde/ gealligeert dat de voirs(creven) yde aleer zij den voirs(creven) arnde getruwet hadde/ tvoirs(creven) huys selve hadde gehuert eenen t(er)mijn van sess jae(re)n d(aer)af/ de drie noch duerden mids den welken die vorw(er)de tot hem comen/ wae(re) en(de) beg(er)de d(aer)af de zake te v(er)andwerden (et)c(etera) So hebben de scepen(en)/ van loeven(en) t(er) manissen smeyers gewijst voir een vo(n)nis dat de voirg(enoemde)/ vranck de voirs(creven) goede verandwerden mach met rechte Act(um) in pleno/ scampno cor(am) om(n)ib(us) scab(inis) ex(cep)[to] abs(oloens) junii xxi