It(em) jan van daelhem van pamele in jeg(enwoirdicheit) heeft genomen en(de) bekent/ dat hij genomen heeft van jacoppe uuten lyem(in)gen thof des selfs/ jacobs gelegen te binckem met allen sijnen toebehoerten gelijcker/ wijs de voerwynnen dat gehouden hebfbe(n) uutgenomen de/ wuwers Te houden te hebben en(de) te wynnen van halfm(er)te/ naestcomen(de) ene(n) t(er)mijn van negen jae(re)n lanc dand(er) na/ sond(er) middel volgen(de) elx jairs dae(re)n bynnen de wy(n)ne(n)de/ lande voe(r) vie(re)nveertich mudden en(de) viii moelevate hards corens/ met wa(n)ne en(de) met vlogelen wael bereydt pachts van/ binckem en(de) mathe van thienen te sente andries/ misse apostels te betalen [en(de)] te thienen of te loeven daert/ den voirs(creven) jacoppe gelieven sal te leve(re)n alle jae(re) den voirs(creven)/ t(er)mijn due(re)nde en(de) telken t(er)mijne alse v(er)volghde schout En(de)/ de beemde en(de) eeussele voe(r) elff hollants gulden(en) goet/ en(de) gheve te sente m(er)tens misse te betalen alle jae(re) den/ oic telken t(er)mijne als v(er)volghde schout met alsulker/ condicien waert dat e(n)nigen van hen geliefde te scheyden/ dat hij dat sal moegen doen ten yersten vi jae(re)n op/ also dat hijt kundicht bynnen den yersten iiii jae(re)n It(em)/ selen de voirs(creven) jacob en(de) de wyn elc van hen copen/ xxxi hope stroes en(de) die sal de wyn halen en(de) bringen/ en(de) sliten bynne(n) den voirs(creven) hove alle jae(re) voirs(creven) tott(er)/ tijt toe dat hij bij helpen vanden voirs(creven) jacobbe een/ thiende ald(aer) omtrent gecrijght en(de) alsda(n) selen [zij] beide vanden/ voirs(creven) stroe te copen ongehouden sijn op also dat tthiende/ stroe bynne(n) shoefs gesleten [sal] wordten It(em) doeft vanden/ voirs(creven) hove selen de voirs(creven) jacob en(de) wyn hebben half/ en(de) half en(de) de wyn sal jacobs helicht te loeven leve(re)n/ en(de) int lesen sal jacob de dachhue(re)n betalen en(de) de wyn/ den montcost It(em) sal de voirs(creven) jacob wyn jacoppe alle/ jae(re) op dat hijs beg(er)t een voed(er) vischen vue(re)n van uuten/ voirs(creven) hove tot loeven En(de) alsmen bynne(n) den voirs(creven) hove/ dect plect metst of ty(m)mert van ouden wercken d(aer)/ af sal jacob betalen de dachhue(re)n en(de) de wyn den/ montcost en(de) vand(er) und(er)sten rikelen ned(er)wart sal hij/ de huyse houden wel en(de) loflic op sijne(n) cost en(de) alle/ jae(re) leve(re)n om de huysinge te decken ii[c] cusbae(re)r walme(re)/ It(em) sal de voirs(creven) wyn moegen nemen sijn berringe aen
//
de voirs(creven) goede t(er) minster schaden en(de) bij bewijse de[jacobs also v(er)re zij d(aer) es] sond(er) dat de/ wyn e(n)nich recht sal hebben inde bossche en(de) of d(aer) e(n)nige/ boeme verdroeghden uutgedaen inde beg(ar)de die sal de/ voirs(creven) wyn moet houwen en(de) hebben en(de) voe(r) elken ii/ poten setten vande(n) selve(n) arde It(em) sal noch de voirs(creven) wyn/ jairlix opte voirs(creven) goede planten xxv poten en(de) die/ wel en(de) loflic v(er)doernen It(em) sal de voirs(creven) wyn de/ voirs(creven) goede wynnen en(de) werven [mesten en(de) besaeyen op hoe(r) getidege voe(re)n] wel en(de) loflic gelijc sijnen/ reengenoten en(de) die [also] laten [gew(er)] gelijc hijse vynden sal [te sijnen afscheiden] En(de) hij sal/ ten lesten jae(re) allet mest opte voirs(creven) uutvue(re)n opte lande/ slants meesten p(ro)fite cap(elle)[ma(n)] voshem junii xxii