SAL7739, Akte: R°49.4 (109 van 608)
Akte R°49.4
Act
Datum: 1445-09-02
Transcriptie
2016-06-15 door Frans FeyaertsIt(em) uut dien dat h(er) willem coenraet prieste(r) p(ro)chiaen der kercken van/
weve(re) die nae den rechte der stad van loeven(en) comen en(de) geleydt es tot/
allen den goed(en) beide have en(de) erve jans van daelhem woenen(de) inde p(ro)chie/
van boensbeke opden dach van heden hadde doen inscriven voe(r) meye(r) en(de)/
scepen(en) van loeven(en) inde banck ald(aer) janne matheeus die van sijnen wege(n)/
metten scepen(en) van boensbeke als gronthe(re) begonnen hadde voert te vae(re)n/
op twee en(de) een half zillen g lants gelege(n) opte blockstrate ald(aer) voe(r)/
recht dat de selve jan matheeus meynde dat hem aen de voirs(creven) goede/
verschene(n) wae(re)n was ende de voirs(creven) h(er) willem coenraet selve tsijnen/
dage van rechte niet en qua(m) soe wijsde(n) de he(re)n scepen(en) van loeven(en) ten/
versuecke des selfs jans matheeus en(de) t(er) manisse(n) smeyers waer de voirs(creven)/
h(er) wille(m) niet en qua(m) ten opstaene smeyers en(de) van hen dat de voirs(creven)/
jan matheeus voert volgen soude inden hof daer hij yerst begonne(n) hadde/
cor(am) o(mn)ib[(us)] scab(inis) dempto abs(oloens) sept(embris) s(ecund)[a]/
Nagekeken door: Agata Dierick
Moderator: Agata Dierick
Laatste update:: 2016-06-15 door Agata Dierick