Item jan van nethenen diemen heet vanden royele heeft openbairlic gekendt/ ende gelijd dat hij gehaven en(de) ontfangen heeft vanden edelen jonck(er) janne he(re)/ te bergen opten zoom (et)c(etera) de so(m)me en(de) weerde van hondert gulden(en) zwaerd(er) cronen/ vranckrijksch(en) voer dafquiten en lossinge van vijf mudden corens d(er) maten van/ loeven(en) erfspachts vandien vijfthien mudden corens erflix pachts die jonck(er) boudewij(n)/ van ghymes oem des voirs(creven) jonck(er) jans en(de) zeke(re) ande(re) p(er)sone zijn borgen den voirs(creven)/ ja(n)ne and(er)wile bekent heeft voer scepen(en) van loeven(en) gelijc de brieve d(aer)op gemaect/ dat volcomelic uutwijsen Bekennen(de) hem de voirs(creven) jan van desen vijf mudde(n)/ voirs(creven) corens erfspachts en(de) noch van desgeliken vijf mudden corens erfspachts/ die hem de voirs(creven) joncker jan vanden voirs(creven) vijfthien mudden corens and(er)wile/ hier te voe(re)n afgequeten heeft en(de) d(aer)af hij oic den selven jonck(er) janne quita(n)cie/ gegeven heeft voe(r) scepen(en) van loeven(en) wael en(de) volcomelic betaelt en(de) v(er)nueght/ den voirs(creven) jonck(er) baudewijne zijne borgen en(de) allen all ande(re)n dien dat aengaen/ mach vanden voirs(creven) afgequijtten erfpachte en(de) van allen gevallen(en) renten d(aer)af/ quijte(re)nde en(de) openbairlic quijtsceldende Geloven(de) hen met den voirs(creven) scepen(en)/ brieve ne(m)m(er)meer voird(er) te moeyene oft te eyschen dan van vijf mudden/ erfpachts die noch vanden voirs(creven) vijfthien mudden ongequeten staen d(aer)af/ den selven scepen(en) brief blijft in zijnre macht en(de) weerden sond(er) argelist/ H(ier) wae(re)n ov(er) jacob pynnock en(de) wout(er) capellema(n) scepen(en) te loeven(en) xxx m(ar)cii/ a(n)no xlv