Item jan de smet mulde(re) in jeg(enwoirdicheit) heeft gekent en(de) gelijdt dat hij genomen / heeft van claesen van staeckenborch en(de) jannen den witte vsoen wilen / vranx de moelen geheten de aamoeloen geleg(en) te loeven(en) opte leye / te houden en(de) te hebben van s(en)t jansmisse lestleden eenen t(er)mijn van / twelf jae(re)n lang deen na dander dair na sond(er) middel volgen(de) Elx / jaers dae(re)nbynnen voe(r) en(de) om lxv mudden rogx goets en(de) payabels / d(er) maten van loeven(en) alle jae(re) te betalen te weten tvie(re)ndeel d(aer)af opten / yersten dach van octobri tvierdel d(aer)af te kersmisse d(aer)na volgen(de) dand(er) / vie(re)ndel te paesschen dairnaest volgen(de) en(de) dleste vie(re)ndel d(aer)af te s(en)t / jansmisse dat daer naest volgen sal En(de) bynnen loeven(en) daert den / voirs(creven) claese en(de) janne den witte gelieve(n) sal te leve(re)n alle jae(re) den / voirs(creven) t(er)mijn due(re)nde en(de) telken t(er)mijne alse v(er)volghde schout Met / sulker condicien dat de voirs(creven) jan de smet zijnen kiese hebben / sal telken te zijnen drie jae(re)n te scheiden of te bliven ofp hdat hijt
//
ten eynde vanden drie jae(re)n een half jaer te voe(re)n kundicht Voirts / es voirwerde dat de voirs(creven) jan de smet de voirs(creven) moelen van allen / keren(de) wercke houden sal wel en(de) loflic en(de) desgelix zelense de voirs(creven) / claes en(de) jan de witte wel en(de) loflic houden van staende wercke / en(de) van plecken en(de) decken It(em) oft zo geviele dat de voirs(creven) moelen / stille moeste staen van staende oft liggen(de) wercke boven drie dagen / lanc dat zal zijn op cost en(de) last des voirs(creven) claes en(de) jans de / witte mair zij en selen den knapen ghenen loon noch neri(n)ge geve(n) / en(de) dierste drie zdage zal zijn op last des voirs(creven) jans smeeds / It(em) sal de voirs(creven) jan de smet tvoirs(creven) keren(de) werck ten eynde / van zijnen scheyden sal laten volgen den voirs(creven) claese en(de) jannen / den witte op schatti(n)ge en(de) ten prijse va(n) moelenslegers en(de) goeden / ma(n)nen die hen des verstaen gelijc hij die ontfaen heeft te weten / tkerende hou[t]werck op xxi g(ri)pen tkeren(de) ijserwerck op xv grijpen / de steen vander roggemoelen op xv dumen iii q(ua)rt van eenen / dume die hij afmalen sal den dume voir twee rijders It(em) de / steen vand(er) weyssinc moelen op v(½) duimen die hij afmalen sal / den dume voir eenen rijder It(em) sal jan de smet den steene vand(er) / roggenmoelen die he(m) daer ov(er)bliven selen ten eynde van zijnen / tijde laten volgen den voirs(creven) claese en(de) zijnen gesellen den dume / voe(r) ii rijders op dat goede cusb(aire) steen zijn en(de) goet van grein / En(de) alle dese pointen hebbe(n) geloeft (et)c(etera) H(ier) af zijn borgen des / voirs(creven) jans smeeds als p(ri)ncipael sculd(ere)n ongesund(er)t en(de) onv(er)scheide(n) / gheert de smet zijn brued(er) wonen(de) te bynswijc en(de) willem / vand(er) dijlen zwager d(er) voirs(creven) gebrued(ere)n p(ri)m(us) pynnock vosh(em) / ja(nuarii) xiii