Na dien dat voe(r) meye(r) ende scepen(en) van loeven(en) inde banck ald(aer) te recht/ comen sijn de edele ende waelgeboirne jonch(e)r jan he(re) te b(er)gen te glymez/ ende topvelpe (et)c(etera) in deen zijde ende jonch(e)r anthonijs van glymez he(re)/ van waelham ende van melijn sijn brued(er) in dande(re) alse van eend(er) uut/ spraken onlanx leden bij hoe(re)n magen en(de) vrienden daer inne sij henge/ submitteert haddenuutgesproken ende tvo(n)nisse der voirg(enoemde) scepen(en) van/ loeven(en) opden dach van heden beide p(ar)tijen tot hoe(ren) thoenisse gewijst heeft/ so beg(er)de de voirg(enoemde) jonck(er) jan ald(aer) ind(er) jegenwoirsich(eit) sijnde dach ten/ naesten dingdage te hebben hoe wael de voirs(creven) anthonijs sijn brued(er) p(ar)tije/ voe(r) oegen niet en was e(er)mer? waert ald(aer) bijden geconstitueerden der/ voirs(creven) jonck(er) anthonijs om sijn vo(n)nisse teysschendes also p(ar)tije gemaect/ meynen(de) want jonch(e)r anthonijs absent was en(de) de sake der erflcheit/ aenclefde dat hij dach van xiiii nachten hebben soude bynne(n) welken/ tijde men hem dien dach vuechlijken condigen soude moegen so wijsd(e)/ de he(re)n tscepen(en) van loeven(en) ter manissen smeyers deie des also van beiden/ zijden versocht was dat want de sake der erflich(eit) aencleefde den dach/ van thoenisse opde genechten staen soude op welken dach nae dien vo(n)nisse/ te rechte dienen(de) de voirs(creven) jonck(er) jan hem verliet en(de) dien aennam p(res)nt(ibus)/ o(mni)b(us) scab(inis) ap(ri)lis v[ta]