Item uut dien dat voe(r) den raide vand(er) stad in questien en(de) gefalle comen zijn/ jan peter en(de) willem vander dijlen gebruede(re) kijnde(re) jans wilen vand(er) dijlen op deen/ zijde en(de) goerde wijbrechts hue(re)n zwager als man en(de) mo(m)boir lijsbetthen zijns wijfs/ weduwe peters wilen van rynsvoirde sust(er) der voirs(creven) gebruede(re) in dande(re) alse vande(n)/ kijnschgedeelte d(er) voirs(creven) lijsbetthen inde goede gebleven na de doot des voirs(creven)/ wilen jans en(de) zijns wijfs vad(er) en(de) moed(er) der voirs(creven) kijnd(re) Vanden welken/ de voirs(creven) goerd meynde om dat den voirs(creven) wilen pete(re)n sijnen voirsete in/ huwelik(er) vorw(er)den geloeft w(er)den ii mudde corens erflic op alle de goede/ en(de) de voirs(creven) gebruede(re) hem onlanx gep(rese)nteeert hadden en(de) geboden dat hij koese/ waer hij liev(er) hadde de voirs(creven) twee mudde(n) corens oft ter deili(n)gen te/ comen met hen en(de) den and(ere)n kijnde(re)n oft dair niet uut te bliven/ en(de) dat hij d(air)af koese sond(er) berouwen zij wouden hem laten deilen/ nu van boven ned(er) de ii mudde corens bewijsen op alle de goede of/ hem dair voe(r) in handen laten de erve die hij in hande(n) dair voe(r)/ gehadt hadde Welke pointen de voirs(creven) goerd boet te thoenen metten/ ghenen die dair bij geweest hadden hoepte op dat hij dat gethoene(n)/ konste dat hem de voirs(creven) twee mudden corens jaerlix volgen souden en(de)/ de vestich(eit) dairaf oft ten mynsten dat hem voe(r) de voirs(creven) ii mudden/ in handen bliven souden alsulken goeden als hij tot noch toe dair voe(r)/ in handen hadde gehadt De voirs(creven) gebrued(re) ontkennen(de) de voirs(creven)/ p(rese)ntacie hoepten dat de voirs(creven) goerd die ne(m)m(er)meer thoenen en souden/ mair p(rese)nteerden hem dat zij hem zijns wijfs kijnsgedeelte laten/ worden inden goeden die dair acht(er) bleven wae(re)n So ov(er)droech de raet vand(er) stad met vollen gevolge de reden(en) der voirs(creven) p(ar)tijen in/ beiden zijden rijpelic gewoegen en(de) thoenisse svoirs(creven) goerts des hij met/ twee goeden ma(n)nen volquam ae(n)gehoirt dat de voirs(creven) gebruede(re) den/ voirs(creven) goerde vande(n) voirs(creven) ii mudde corens vestich(eit) doen souden na/ begrijp vand(er) huwelik(er) vorw(er)den voirs(creven) en(de) dat hij de goede die/ hij nu voe(r) de selve ii mudde corens in handen hadde dair inne/ behouden soude tott(er) tijt toe dat zij hem de voirs(creven) bewijsnisse behoirlic/ gedaen hadden p(rese)nt(ibus) nethen(en) substit(uto) dyeve(n) burg(imagistro) lomb(ar)t oppendorp/ roelofs hek(er)linc custe(re) consilia(riis) et plu(ri)b(us) aliis maii xviii