Tvo(n)nisse tusschen claese pyeders sone wijlen goerts die ov(er)mids vo(n)nisse van scepen(en)/ brieven van loeven(en) beleydt es totten haefleken goeden jans van coelne sone henrix wijle(n)/ van coelne van arschot in deen zijde ende woute(re)n tyegele(re) geheeten van lae(r) briede(r) die/ uut machte van scepen(en) brieven van loeven(en) bij marien van loeven geheten vand(er) heyden/ dochter henricx wijlen van loeven in dande(re) alse vanden haefleken goeden h(ier) ond(er) besc(reven)/ de welcke de voirs(creven) claes aensprack nae vele handelingen en(de) vo(n)nissen int(er)locutoir/ daerop voe(r) gevordert ende geloepen zund(er)lingen van eenen ouden beleyde dat voe(r)/ int recht bracht werdt Daer met aert wijlen van templours ende henrick/ van vlaslaer geleydt wae(re)n totten goeden der voirs(creven) marien van loeven d(aer)af de/ questie te nyeute ginck seggen(de) dat jan van coelne die hem den voirs(creven) brief/ bekent hadde ende marie van loeven(en) voirs(creven) tsamen in huwelijcke vergadert/ wae(re)n als man ende wijf over xxx jaer ende dae(re)n boven ende want dan de/ voirs(creven) jan die wettich man was der voirs(creven) marien hem dese brieve bekent hadde/ so hoepte hij eve(n)verre hij de voirs(creven) poenten gethoenen conste dat de voirs(creven)/ goede hem ende sijnen beleyde volgen souden en(de) sculdich wae(re)n te volgen des/ getroeste hij hem totten rechte ende meynde al woude de voirs(creven) woute(r) seggen/ van e(n)nigen sceyden oft vo(n)nisse dat voermaels gedaen oft geloepen wae(re) tusschen/ de voirs(creven) gehuyssen So meynde nochtan de voirs(creven) claes aengesien dat des voirs(creven)/ wouters brieve die eender vrouwen in huwelijken stade sitten(de) bekent wae(re)n/ van gheend(er) werdden en wae(re)n noch hem tontstaden en souden moegen comen en(de)/ des keerde hij hem aen scepen(en) en(de) beg(er)des een vo(n)nisse Daerop de voirs(creven) wout(er)/ hem verantw(er)den(de) met alrehanden reden(en) hem tot sijnen rechte dyenen(de) meynde/ dat de voirs(creven) claes sijn v(er)met ne(m)m(er)meer thoenen en soude en(de) claerde hoe de voirs(creven)/ jan van coelne en(de) marie metter heylig(er) kercken en(de) met vo(n)nisse ende rechte ge/ scheyden geweest sijn over meyn menich jaer dier zij bij hoe(re)n eede geloeft/ hebben tond(er)houden en(de) also hadde de voirs(creven) marie de voirs(creven) goede gewonne(n)/ en(de) geworven bij huer selven ende nae in hoe(re)n doetbedde om godswille den/ heyligen gheest der kercken en(de) den armen gemaect en(de) hoepte nadien want/ hij ind(er) saken niet dan dreght en sochte en(de) hoe(re)n utersten wille te volcomen/ dat de voirs(creven) claes mids den voirs(creven) reden(en) aende voirs(creven) goede verdoelt wae(re)/ en(de) des geliefde hem wael tvo(n)nisse Waert ten utersten nae aenspraken/ v(er)antw(er)den van beyden p(ar)tijen bij den he(re)n tscepen(en) van loeven(en) ter manissen smeyers/ gewijst voe(r) een vo(n)nisse dat den voirs(creven) claese en(de) sijnen beleyde de voirs(creven) goede/ volgen souden op dat die bij goeden invetar(is) bescreven sullen worden en(de)/ want de p wed(er)p(ar)tie testame(n)ten en(de) and(er)s ruerden dat lieten de scepen(en) gaen/ daert sculdich wae(re) te gaen p(resen)tibus om(ni)b(us) scab(in)is dempto abs(oloens) junii s(ecund)[a ]