Item alse vanden stoote opv(er)staen tusschen jannese vanden hove den jongen die/ met scepen(en) brieven van loeven(en) comen is totten goeden jans de raet zoon pelgerijns/ wilen de raet met johannes vanden hove den ouden zijnen vad(er) in deen zijde en(de)/ stasse wijnrix van arschot die naden rechten der stad van loeven(en) met ouderen/ brieven vand(er) dat(en) int jaer ons h(ere)n dusentvierhond(er)t zesthiene xix dage in/ meye geleidt is totten goeden des selfs jans de raet zijns neven in dande(re) Van/ dat de voirs(creven) jannes vanden hove en(de) zijn zone meynden dat de voirs(creven) stas/ sculdich wae(re) zijn hande te lichten vanden voirs(creven) beleide en(de) den goeden des voirs(creven)/ jans evenverre den selven stasse gerestitueert werden de pe(n)nyngen die hij uutgeleeght/ hadde voe(r) den coep van eenen beemde te langdorp geleg(en) die hij tande(re)n tijden jegen/ den selven zijnen neve gecocht hadde also hij toegeseeght en(de) gekent hadde/ gelijc de voirs(creven) jannes dat boet te thoenen Daer jegen stas voirs(creven) alligeerde/ en(de) zeyde dat hij des voirs(creven) is niet sculdich en wae(re) te doen met myn/ ov(er)geven(de) voe(r) den rechte vand(er) stad evenverre dbeleidt d(aer)mede h(er) henric de raet/ oem des voirs(creven) jans dat hij hadde opte goede des voirs(creven) pelgerijns vad(er) des voirs(creven)/ jans te nyeute gedaen werde oft quijtgescouden vanden goeden die hij jegen den/ voirs(creven) wijlen pelgerijm gecregen hadde en(de) hem zijn pe(n)ningen vanden voirs(creven)/ beemde daer voe(r) hij die groetsen(de) tand(ere)n tijden eed hadden gedaen met allen/ costen die hij d(aer)om geleden hadde opgeleeght werden en(de) betaelt dat hij/ dan de voirs(creven) brieve van zijnen beleide g(er)ne ov(er)leve(re)n soude metten welken/ hij hoepte te gestaen So is ov(er)dragen en(de) get(er)mineert biden raide vand(er)/ stad dat de voirs(creven) stas zijn voirs(creven) beleidbrieve met dat daer aen cleeft/ en(de) eenen scepen(en) brieve van arschot spreken(de) van vi holl(andsche) gulden(en) erflic/ die de selve stas voermaels jegen den voirs(creven) wilen pelgerijm gecreegh/ en(de) dair af hij also hij kende inde voirs(creven) groets(in)gen gecuelt en(de) betaelt was
//
bringen sal in handen vand(er) stad ald(aer) die berusten selen tot behoef en(de)/ inden name des selfs stas tot dierre tijt toe dat tvoirs(creven) beleidt van/ h(er) henric voirs(creven) als voirs(creven) steet gea(n)nicheleert oft quijtgescouden sal wesen/ en(de) dat den selven stasse opgeleeght selen werden de pe(n)nynge die/ hij gelijck voirs(creven) is met zijnd(er) eed voermaels gegroetst heeft mett(er)/ cost van rechte die hij int v(er)volgen van deser zaken geleden hadde/ en(de) oic met des de voirs(creven) stas aenden voirs(creven) beempt boven gemeyn/ rep(ar)acie uutgeleeght mach hebben En(de) dat voldain salmen de selve/ brieve ov(er)leve(re)n den voirs(creven) janne de raet en(de) nyeman(de) and(er)s om die tot/ zijnen vrijen wille te beke(re)n act(um) in (con)silio op(idi) p(rese)nt(ibus) abs(oloens) burg(imagistro) et plu(r)ib(us)/ aliis junii x a(nn)[o] xlvi