It(em) uut dien dat goert roelants woenen(de) inde h(er)berghe van sent jorijs te/ loeven(en) gevo(n)nist heeft voe(r) meye(r) en(de) scepen(en) van loeven(en) seke(re) scepen(en) brieve van/ loeven(en) spreken(de) van iii rijnsche gulden(en) erflijker renten die hij heeft op zeke(re)/ goede jans corleye sone willems wijlen corleye van onser vrouwen wave(re) bij/ mechlen inden yersten aen en(de) op een geheel woeni(n)ge metten huysen hoven/ bog(ar)den wynnen(de) landen daer aen gelegen houden(de) tsamen inde mate viii boende(r)/ oft daer omtrent en(de) allen sijne(n) toebeh(oirten) gelijc de selve goede gelegen sijn tussche(n)/ de goede jans valke en(de) willems gorte(re) en(de) neve(n) de strate ald(aer) It(em) d aen en(de)/ op een geheel woeni(n)ge geheeten thoff te ruyssche metten woeni(n)gen huysen/ hoven bog(ar)de wynnen(de) landen en(de) allen sijnen toebeh(oirten) houden(de) desgelijx viii boende(r)/ inde mate oft d(aer) omtrent gelijc de selve goede d(aer) bij gelege(n) sijn tusschen de/ goede h(ere)n jans vylain ridders en(de) de strate ald(aer) vanden welken hij in ge/ breke es ende tvo(n)nisse der scepen(en) van loeven(en) gewijst heeft dat de voirs(creven)/ goert trecken soude metten meye(r) en(de) scepen(en) van loeven(en) voirs(creven) opte voirs(creven)/ pande en(de) vonde hij daer te panden soe soude hij panden en(de) en vonde hij/ niet te panden soe soude hij voirtvae(re)n metten rechte welck vo(n)nisse de/voirs(creven) goert so sijn de voirs(creven) meye(r) en(de) scepen(en) van loeven(en) getogen op/ de pande daer den voirs(creven) goerde gelevert sijn drie melccoeyen een/ verse twee calfve(re) eenen ruyn een voelen en(de) een cussen voe(r) ge/ breck vanden voirs(creven) renten en(de) voe(r) cost en(de) co(m)mer d(aer)op gegaen cor(am)/ cap(pelle)[ma(n)] voshem aug(usti) xvii
//