Item merten vander houstraten van herssele heeft geloeft henricken/ wellens wonen(de) te herssele dat hij lossen en(de) afquijten zal tusschen dit ende/ sente m(er)tensmisse naestcomen(de) alsulken twee mudde corens lijfpensien alze/ alijt vande(n) schoe(re) tot hoiren live en(de) totten live oliviers hoirs nat(ur)lix zoens/ heeft op eenen beempt geheten boghterbeempt omtrent een boend(er) groet des/ voirs(creven) henrix geleg(en) te berchem inde p(ro)chie van herselt en(de) also vele dair/ toe te doen dat de voirs(creven) goede vander voirs(creven) lijftocht los en(de) ongehouden zijn/ zelen Ende heeft voirts geloeft de voirs(creven) merten dat hij den voirs(creven) henr(icken)/ opleggen en(de) betalen zal bynnen den voirs(creven) tijde allen den cost van rechte/ die hij gehadt heeft van dat hij de voirs(creven) goede der voirs(creven) alijten voir/ de voirs(creven) lijfrente v(er)ond(er)pande inden hof dair de selve goede hoven pynnock/ cap(elle)[ma(n)] sept(embris) x