It(em) meest(er) arnd huckentier meest(er) in arten die naden rechte d(er) stad van/ loeven geleidt is totten goeden daneels wijlen voet heeft gecalengeert/ alsulken jairgebot als jans h(er)dans de jonge van nuwerode oft yemand/ and(er)s mach hebben doen doen van so(m)mege d(er) voirs(creven) goede des voirs(creven)/ wilen daneels te weten van vijf dachmalen lants geheten de/ scoenhove(n) hoeve geleg(en) te nuwerode cor(am) abs(oloens) willem(air) ap(ri)lis xxiii