Bernart le mayeur/ Tvo(n)nisse vanden gedinge dat geweest es voe(r) meye(r) ende scepen(en) van loeven(e)/ tusschen b(er)narde le mayeur die beleydt es tot allen den haeflijken goeden/ henrix wijlen vander lynden in deen zijde ende arnde de laloe in dande(re) alse/ van eenen p(er)de dwelc de voirs(creven) b(er)nart den voirs(creven) arnde eysschen(de) was ende/ de selve arnt bynnen den hove des voirs(creven) wijlen henrix hadde aengeverdt/ en(de) ewech gevuert daer hem geliefde gelijc de selve b(er)nart inden rechte/ met meer redenen bij leyde ende dede allege(re)n D(aer)op de voirs(creven) arnt hem/ verantwerdde genoech kennen(de) dat hij tvoirs(creven) p(er)t aenverdt en(de) gehadt/ hadde maer seyde dat de wedewe des voirs(creven) wijlen henrix hem nae dat/ de selve henrick aflivich worden was tvoirs(creven) p(er)t hadde gegeven voe(r) zeke(re)/ pijn en(de) arbeyt die hij der selv(er) wedewen gedaen hadde dwelc hij/ boet te houden te sijnd(er) eedt oft hij woudt der selv(er) wedewen mids/ dat zij voe(r) oegen stont ov(er)gheven welcken eedt [en(de) onschout] de selve wedewe/ ter stont aen nam en(de) p(rese)nteerde te doen Es gewijst met desen woerden/ soe waer de voirs(creven) wedewe hoe(re)n eedt dade also zij gep(rese)nteert hadde/ dat dan tvoirs(creven) p(er)t den voirs(creven) b(er)narde en(de) sijnen beleyde volgen soude/ cor(am) scab(in)is existen(tibus) in placito des dond(er)sd(aighs) ap(ril)lis xi