It(em) de clage van dat gielijs van udekem voirspreke beclaecht hadde janne/ van ned(er)hem van halen voe(r) hond(er)t rijders en(de) dairaf dach op heden hadde voir/ meye(r) en(de) scepen(en) van loeven(e) hebben de voirs(creven) jan en(de) gielijs eendrechtichlijc/ uutgestelt tot van heden ov(er) drie weken te mistide inder manie(re)n gelijc dair [die] op/ heden gedient soude hebben cor(am) py(n)nock miles et willem(air) sdonred(aighs) junii xx[a]