Jan van dyeven/ Item van alsulken gedinge als geweest es voe(r) meye(r) en(de) scepen(en) van loeven(e)/ tusschen janne vand(er) dylen den jongen die hem derder geleidt es naden rechte/ d(er) stad van loeven(e) totten goeden jans vand(er) dylen sijns vad(er)s in deen zijde/ en(de) janne van dyeven soen gheerts van dyeven t(er) ande(re) welc jan voe(r) meye(r)/ en(de) scepen(en) van loeven(e) gegoedt es van willem(me) en(de) pet(ere)n vand(er) dyle bruede(re)n/ des voirs(creven) jans svad(er)s uut beleide d(aer)mede zij geleidt wa(r)en int jair xiiii[c]/ xliii xxx dage in decembri totten goeden jans wilen vand(er) dylen vaders/ der voirs(creven) iii gebruede(r) en(de) oudevader des voirs(creven) jans sjongen inde goede/ hier na bescreven te weten in een stuck lants metten alsulken rechte/ ende p(ro)prieteite als de voirs(creven) wilen jan hadde in een stuck erfs geheten/ doude dyle ald(aer) aen gelegen gelijc die goede gelegen zijn inde p(ro)chie van/ wiltsele inden ruyt(er)sham aende dijlstrate tusschen de goede gheerts van/ breetzijp en(de) daneels vand(er) peelt geheten wagemans Item in ii(½) dach(mael)/ lants gelegen ald(aer) aen de voirs(creven) dijlstrate tuschen de goede gheerts van/ dyeven en(de) sgodshuys van vrouwenp(er)cke ald(aer) de voirs(creven) jan vand(er) dylen/ de jonge aensprack des voirs(creven) jans sijns vad(er)s kijnsgedeelte inde voirs(creven)/ goede also verre dat op hem quame mids den voirs(creven) beleide dwelc/ hij meynde dat hem volgen soude en(de) sculdich wa(r)e te volgen bij al/ zeke(re)n redene(n) die hij inden rechte dede bileggen en(de) besund(er)t want/ waer wa(r)e dat de voirs(creven) jan zijn vad(er) and(er)wijle dies omtrent ii jair/ sijn mochte in recht gestaen hadde tegen de voirs(creven) willem(me) en(de) pet(ere)n/ zijnen brued(ere)n voe(r) scepen(en) van wiltsele van zijnen kijnsgedeelte/ inden voirs(creven) goeden en(de) ande(re)n gebleven achter den voirs(creven) wilen ja(n)ne/ en(de) zijnen wive vad(er) en(de) moed(er) der selv(er) gebruede(r) daer de zake zo/ verre verhandelt waert dat de scepen(en) van wiltsele dier met wijs/ sijnde bij hem selven quamen d(aer) mede aen de scepen(en) van loeven(e) hoe(re)n/ hoefde en(de) dat doen bijden voirs(creven) scepen(en) van wiltsele nadat zij vand(en)/ scepen(en) van loeven(e) hadden gewijst waert den voirs(creven) zijnen vader/ sijn kijnsgedeelte te volgen inde voirs(creven) goede des hij hem totten/ voirs(creven) scepen(en) van wiltsele gedroegh Op dwelck de voirs(creven) jan van/ dieven hem v(er)antwerde met alrehanden redene(n) hem also hij mey(n)de/ tot zijne(n) rechte dyenende hopende e(m)mer dat zijn wed(er)p(ar)tie nu(m)m(er)meer/ thoenen en soude des sij hoe(r) vermeten hadde also dat na aensp(ra)ke/ ende v(er)andwerden beide p(ar)tien gewijst worden tot hoe(re)n thoenisse/ des de voirs(creven) aenlegge(r) ten dage d(aer) toe gestelt gheenssins en volqua(m)/ van des hij hem v(er)meten hadde d(aer) op de voirs(creven) v(er)andwerde(r) tot zijnen/ thoenisse dede lezen den schoutbrief d(aer) uut tvoirs(creven) beleidt gedae(n) war/ thoenen(de) voerts met goeden ma(n)nen dat den selven bekent was in gehellen/ stoele en(de) dat de voirs(creven) wilen jan en(de) sijn wijf die bynnen vier of vijf/ ja(r)en yerst aflivich worden was de voirs(creven) goede [tsamen] besaten als hoe(r) p(ro)pe(r)
//
goede en(de) dat oic de voirs(creven) ii geleidde oys..t? den selven beleyde totten dage vand(er)/ voirs(creven) guedingen en(de) de voirs(creven) jan van dyeven na tot nu toe de selve/ goede als hoe(r) goede gehouden en(de) gehantplicht hadden So hebben de h(ere)n/ scepen(en) van loeven(e) t(er) manissen smeyers gewijst voe(r) een vo(n)nisse dat de/ voirs(creven) jan vand(er) dylen met zijnen beleide aen de voirs(creven) [goede] verdoelt es cor(am)/ abs(oloens) pynnoc witte wynge willem(air) aug(usti) xix