Van Janne bogaert tege(n) malevien/ Het zijn comen in rechte voir meye(r) en(de) scepen(en) van loeven(e) jan bogart/ ter eenre zijden en(de) raess van graven he(r) van malevien t(er) ande(re) aldair/ de voirs(creven) jan bogart aensprack den voirs(creven) raise seggende dat hij and(er)wile/ tegen hem gecocht en(de) vercregen hadde vi rijnsch(en) gulden(en) erflik(er) renten/ de welke de voirs(creven) raess jaerlix heffende was op een huys en(de) hoff/ des selfs jans vanden bog(ar)de geleg(en) terpse achter den ingel aldair/ tusschen de goede jans van ranshem in beiden zijden Dairaf hem/ de voirs(creven) raess guedinge gedaen hadde voir den meye(r) en(de) late/ sgoidshuys van gruenendale in hoiren hove te stertbeke en(de) ald(air)/ geloeft den selven janne genoechte doen en(de) waerscap gelijc dat/ blijct by eenen scepen(en) brieve van erpse die d(air)af ten ae(n)b(re)ngen/ vanden voirs(creven) laten gemaect is en(de) bijden selven scepen(en) van erpse/ besegelt welken brief de voirs(creven) jan dede lesen inden rechte/ Seggende voirt dat de voirs(creven) raess navolgen(de) der geluften/ vanden genoechdoene inden selven brieve begrepen niet genoech/ gedaen en hadde vanden goeden voirscr(even) gem(er)ct dat hij hem/ de guedinge d(air)af in zijnen weduwen stoele en(de) alleen tochter zijnde/ gedaen hadde doen hij also d(er) erflich(eit) niet mechtich en was of/ gederven en konde en(de) dit hadde de voirs(creven) jan doen hij de selve/ goede voirt vercocht hadde en(de) om hem d(air)mede te behelpen die/ goeden soude wael bevonden want hij zijnen coep(er) mids den/ gebreke voirscr(even) egheen vestich(eit) en(de) hadde konnen gedoen voir de/ voirs(creven) wet dair de selve goede hoven Ende hadde d(air)om/ om meer bescheids [wille] geweest bijden scepen(en) van bale die/ wettich hoot zijn vanden voirs(creven) laethove dair claer bevonde(n)/ was tgebreck voirs(creven) Bi[e]dende de voirs(creven) jan dese pointe(n) te/ thoenen en(de) metten mynsten hoepen(de) naden goeden rechte alhier/ zo waer hij des volquame dat de voirs(creven) raes h te hemw(er)t/ gehouden zijn soude vanden genoechdoene en(de) waerscape voirscr(even)
//
p(rese)nte(re)nde nochtan de voirs(creven) jan om alre redelich(eit) wille zo waer/ hem de voirs(creven) raes opleyde en(de) wed(er)keerde alsulken so(m)me van/ pe(n)ni(n)gen te weten c rijnsch(en) gul(denen) metter wettig(er) cost d(air)op/ gegaen de voirs(creven) guedinge tontfaene en(de) desgelijx als hij om de/ voirs(creven) goede gegeven hadde de voirs(creven) jan woude d(air)mede te vreden/ staen (et)c(etera) Den voirs(creven) raese d(air)op verantwerden(de) dat hem/ verwonderde (et)c(etera) doende seggen dat hij and(er)s niet en wiste/ hij en hadde den voirs(creven) janne goede guedinge gedaen d(air)mede/ de voirs(creven) jan aleer wael te vreden geweest hadde en(de) billix/ noch zijn soude na dat hij hem v(er)ge(re)n? en v(er)mat te thoene(n)/ dat hij die goede metten rechte verloe(re)n hadde also dat/ behoiren soude meynende oic dat dat de voirs(creven) jan ne(m)m(er)meer/ thoenen en soude dat hij den voirs(creven) raesse ten tide dat hij/ de guedinge dede vanden voirs(creven) goeden mair tocht(er) en wa(r)e/ hoepende na desen vand(er) aenspraken ongehouden te wesen H(ier)na/ den voirs(creven) janne tsijnen thoenisse gewijst zijnde thoende en(de)/ volquam zijns v(er)meets ten welken tide de voirs(creven) raes dede/ seggen dat hij wael bereet wa(r)e van des voirs(creven) is te rechte/ te staen inden hof dair de voirs(creven) goede hoven om ald(air) recht/ te geven en(de) te nemen (et)c(etera) Op welke zake de scepen(en) van/ loeven(e) gemaent zijnde vande(n) meye(r) wijsden voir een vo(n)nisse/ dat de voirs(creven) raess gehouden sal zijn den voirs(creven) janne [vande(n) vors(creven) goed(e)] genoech/ te doen oft aen tenemen de p(rese)ntacie die hem de voirs(creven) jan/ gep(rese)nteert heeft py(n)noc miles ja(cobus) pi(n)noc witte wynge/ willem(air) hortbeke oct(obris) xxiiii