It(em) hoe wale de voirs(creven) dierick den voirs(creven) pete(re)n int g(e)n(er)al quita(n)cie gedaen/ heeft van allen zaken (et)c(etera) so es nochtans d(aer) inne uutgenomen alsulke/ vii mudde rox eens die den selven diericken uutstaen ombetaelt van eene(n)/ scepen(en) brieve van loeven(e) van vijf mudden rox lijftochten die hij opten/ voirs(creven) pete(re)n als borge henrix vanden hove spreken(de) heeft van welken vii/ mudden rogs de voirs(creven) dierick geloeft heeft hem niet teysschen zo v(er)re/ hijse vande(n) ande(re)n p(er)sonen inden brieven begrepen metten rechte vueghlijke(n)/ gecrigen kan d(aer)af hij trecht vorde(re)n sal op hen en(de) geloeft te vorde(re)n/ ten lanxsten bynnen eene(n) halven ja(r)e naestcomen(de) abs(oloens) wynghe ap(ri)lis xx