It(em) hoe wale de voirs(creven) p(er)ceptie steet ind(er) manie(re)n voirs(creven) so es d(aer)af/ de meyni(n)ge datmen der voirs(creven) jouffr(ouwe) marien die renten jaerlijx mette(n)/ ande(re)n geluften inden voirs(creven) brieve begrepen sal laten eysschen ende ver/ volgen also lange als zij leeft maer oft haer vanden godshuyse van/ vrouwenp(er)cke daer zij corts alsomen meyndt p(ro)fessie in doen sal stoot
//
d(aer) inne gemaect worde zo dat zij de selve goede met rechte niet / en conste of en woude vervolgen So salmen den ande(re)n tween of/ den eenen van hen die metten vors(creven) brieve laten eysschen en(de) ver/ volgen tot hoiren behoef altijt als zijt mids alsulken stoote selve/ niet gedoen en conste of doen en woude Ende de voirs(creven) jouffr(ouwe)/ marie van live ter doot comen sijnde zalmen der voirs(creven) katlijnen/ de voirs(creven) renten laten heffen en(de) vervolgen also lange als zij leeft/ en(de) ho oft hoe(r) desgelijx e(n)nigen stoot van hoiren vad(er) oft yeman(de)/ and(er)s gemaect worde also dat hoir die peyslijc niet en mochten/ volgen zo salmen den voirs(creven) tween ande(re)n of den eenen van hen/ hoer laten behelpen dat hoe(r) de selve renten peyslijc moegen volge(n)/ ende of de voirs(creven) renten eer zij verpand wa(r)en of d(aer)nae afgequete(n)/ worden So es bevorw(er)t datmen tgelt vand(er) afquiti(n)gen brenge(n)/ sal opten wissel der stad van loeven(e) om ande(re) gelijke renten/ d(aer) mede te copen en(de) dat also dicke alse de selve renten afgequeten/ worden Ende om dat te bat te volschien so sullen de brieve alhier/ alle weghe bliven ende geleeght werden en(de) die en salmen niet te/ nyeute doen de pe(n)ningen en worden altijt totter voirs(creven) meyni(n)gen/ opten wyssel gestelt en(de) dit al ter goed(er) meyni(n)gen en(de) sond(er) argelist/ eisd(em)