It(em) h(er) dierick moreal p(ro)chiaen der kercken van graven en(de) h(er) jan de lobbe/ meester vanden hove van beausart als procuroers en(de) [des] volcomelijc gemechticht/[bij zeke(re)n notarijs brieven] van matheeuse nagles rectoers des altaers van s(in)[t] jans baptisten inder/ kercken van graven in teg(enwordicheit) der scepen(en) van loeven(e) gestaen hebben gegeven/ en(de) bekent dat zij gegeven hebben engelbrechte puttarts woenen(de) tsente/ marien gheest vijf boende(r) wynnens lants luttel myn oft meer toebeh(oirende)/ den voirs(creven) altare van s(in)[t] jans gelegen inde p(ro)chie van s(in)[te] marien/ gheest opten wech gaende neven de gheete gelijc en(de) also verre die/ voirs(creven) engelbrecht die voe(r) in pechtingen gehouden heeft Te houden/ te hebben en(de) te wynnen van halfmerte lestleden eene(n) t(er)mijn van acht/ ja(r)en langc deen nae dand(er) d(aer) nae sond(er) myddel volgen(de) elcx jaers/ dae(re)n bynne(n) voe(r) en(de) om drie gulden schilde d(er) mu(n)ten he(re)n willems/ wijlen greve van hollant te twintich stuv(er)s tstuck en(de) drie gulden/ peters der mu(n)ten sh(er)togen van burg(oign)[en] en(de) van brab(ant) goet en(de) gheve/ tstuck te xviii stuv(er)s gereekent tsente andriesmisse apostels vallende/ en(de) tonser vrouwen liechtmisse d(aer) naest volgen(de) vol betaelt te sijne/ den voirs(creven) t(er)mijn due(re)nde en(de) telken t(er)mijne alse vervolghde schout/ It(em) sal de voirs(creven) engelbrecht de voirs(creven) lande wael en(de) loflijc wynne(n)/ en(de) werven gelijc reengenoten boven en(de) beneden en(de) die ten afscheide(n)/ van sijne(n) t(er)mijne bloot laten cor(am) willem(air) hortbeke maii ix