Cond zij allen lieden dat jan opten bergh de jonghe willem en(de)/ leonart bloems gebruede(re)n allen van rotselaer in jeg(enwordicheit) hebbe(n)/ genomen en(de) bekent dat zij genomen hebben [indivisi(m)] van h(er) henricke(n) gielijs/ canonick en(de) regulier en(de) proefst sgodshuys van everbode/ de thiende van rotselaer gelijc tvoirs(creven) [godsh(uys)] die ald(aer) houden(de) heeft/ Te houde(n) en(de) te hebbe(n) van sent ja(n)smisse baptiste(n) naestc(omende)/ ene(n) t(er)mijn van drie ja(r)en lanc deen na dand(er) d(aer)na sond(er)/ middel volgen(de) elx jaers dae(re)n bynne(n) voe(r) en(de) om tweentwintich/ mudden rox en(de) achthien mudden have(re)n goets en(de) payabels/ met wa(n)ne en(de) vede(re)n wael bereid en(de) om achtien mudde(n)/ ond(er) have(re) en(de) evenen oic goets en(de) payabels corens alsulcx/ als vander selv(er) thienden comen sal Al der maten van/ loeven te sente andries misse apostels te betalen en(de) den/ voirs(creven) rogghe te rotselaer en(de) dand(er) te loeven indes voirs(creven)/ godsh(uys) h(er)berghe ald(aer) te leve(re)n quol(ibet) ass(ecutu)[m] den voirs(creven) m(ijn) he(re)/ den proefst h(er) woute(re)n voer tbeken canonic sgodsh(uys) voirs(creven) en(de)/ diericke(n) de molde(re) of den ene(n) van hen breng(er) sbriefs alle/ ja(r)e quol(ibet) ass(ecutu)[m] It(em) selen de voirs(creven) w jan wille(n) en(de) lenart/ den gesinde des abds vanden voirs(creven) godsh(uys) eens gheve(n) en(de)/ betalen te weten tsent andriesmisse naestc(omende) thien halst(er) rox/ der voirs(creven) maten It(em) [sond(er) afslach vande(n) voirs(creven) pachte] en(de) zij zelen des voirs(creven) godsh(uys) wage(n)liede(n)/ als zij om tvoirs(creven) coren comen teten en(de) te drincken gheven/ en(de) den p(er)den hoey witte wynghe maii xxiiii