It(em) de voirs(creven) gehuysschen hebben tvoirs(creven) bekyn bekent tot dier mey(n)ningen want zij/ bynnen den voirs(creven) gods(huys) gecleedt hebben johannese hoe(re)n sone dat tselve godshuys/ sal moegen metten voirs(creven) brieve doen leyden alst den selven godsh(uys) gelieft totte(n)/ goeden have ende erve der voirs(creven) gehuysschen ende met dien beleyde trecken hebben/ ende aenveerden nae de doot van beiden voirs(creven) gehuysschen de goede der selver/ gehuysschen zo verre de selve goede den voirs(creven) hoe(re)n zone of hij alsdan livich/ en(de) weerlijc p(er)soen ware naeden lantrechte verstorven ende aencomen souden sijn/ en(de) niet voerder Bij also dat tselve beken ende tbeleydt dat daer mede gedaen/ sal moegen werden altijt alhier sal bliven liggende ende den selven gehuysschen/ gheen hynd(er) sijn zij en selen met hoe(re)n goeden altijt hoe(re)n wille moegen doen/ die meerde(re)nde ende mynde(re)nde Ende oft zij e(n)nige erfgoede die zij nu hebben of/ naemaels vercregen mochten vercochten ende derfden dier zij mechtich souden/ sijn of dbeleyt niet en ware zo en sal tselve beleyd oft gedaen ware van/ hier niet gaen zo v(er)re de selve gehuysschen dat bege(re)n ende hoe(r) beg(er)te daeraf/ alhier doen registre(re)n ten zij dat de cop(er) oft besitte(r) van alsulken goeden quita(n)cie/ hebbe of also d(aer)af zij bewaert dat hem genoech mach wesen Ende of tvoirs(creven)/ godsh(uys) hem hadde doen leyden en(de) de voirs(creven) gehuysschen daer nae e(n)nige erflijke/ goede gecregen Daertoe sal tvoirs(creven) godsh(uys) altijt oec moegen doen leyden/ opte manie(re) ende condicie boven besproken ende ofmen in e(n)nigen tijden bevonde/ dat de voirs(creven) gehuysschen e(n)nige beleyde nu oft hier nae gemaect hadden die/ den voirs(creven) godsh(uys) vandes voirscr(even) es hynd(er)lijc mochten wesen die hebben zij/ geloeft te nyeute te doen oft den godsh(uys) d(aer)af also te besorgen dat hen d(aer)af/ gheen hynd(er) oft letsel comen en sal al sond(er) argelist Voert so es bevorw(er)t/ tusschen de selve gehuysschen en(de) den voirs(creven) h(er) matheeuse datmen alle de haef/ lijke goede die den voirs(creven) godsh(uys) inder voirs(creven) manie(re)n bliven ende toebehoe(re)n/ sullen ter stond nae hoird(er) beid(er) doot vercopen sal en(de) tgelt leggen aen erf/ lijke goede d(aer)af de voirs(creven) hoe(r) zoon sijn leefdaghe tp(ro)ffijt hebben ende voe(re)n sal/ en(de) nae zijn doot tvoirs(creven) godsh(uys) dwelc de voirs(creven) h(er) matheeus inden name vande(n)/ voirs(creven) godsh(uys) geloeft ende verantwerdt heeft also te geschien en(de) te doen doen/ cor(am) eisd(em)