It(em) de voirs(creven) gielijs heeft geconsenteert en(de) gewillecoert dat de voirs(creven)/ henrick heffe en(de) voe(r) alsulke vier mudde rogs als den selven gielijse/ vallen sullen te s(in)[te] andriesmisse naestcomen(de) van alsulke(n) vier mudde(n)/ rogs erfs pachts als de voirs(creven) gielijs heeft aen en(de) op thof en(de) de/ goede reyners vanden broecke en(de) alsulke mudde en(de) vijf moelevate/ rogs erfs als hem valle(n) selen ten voirs(creven) s(in)[t] andriesmisse vanden/ erfpachte die hij heeft op zeke(re) goede te winxele gelegen Ende/ heeft voirts geloeft den voirs(creven) henricke sijne(n) oem te gheene(n) stoot/ noch letsel aenden voirs(creven) pacht te doen maer hem behoirlijc behulp/ en(de) bijstentich(eit) te doen [om] totter betalingen vande(n) voirs(creven) pachte te comen/ also v(er)re hij dis behoeft van welken pachte de voirs(creven) jan van etsrijke/ heeft sijn beleyt hem gedaen totte(n) goeden des voirs(creven) gielijs quijtgeschoude(n)/ also v(er)re hem dat d(aer)aene hynd(er)lijc wesen mach cor(am) eisd(em)