It(em) uut dien dat jan fyen onser ingeseten poirte(r) die nae den rechte der stad van/ loeven comen en(de) geleyt es totten goeden have en(de) erve gielijs vand(er) dyep(er)mee(re)n/ sone gielijs wijlen vand(er) dyep(er)mee(re)n opden dach van heden voe(r) meye(r) scepen(en)/ van loeven met d(er) stad brieven hadde doen dach doen den meye(r) sheerscaps/ van haelwijn te buggenhout die de voirs(creven) goede beslagen hadde ald(aer) de selve/ meye(r) niet comen en es den selven janne fyen hem ald(aer) v(er)wachten(de) en(de) te rechte/ p(rese)nterende so hevet tvo(n)nisse der scepen(en) van loeven(e) bij contumacien des voirs(creven)/ meyers van buggenhout gewijst datmen den voirs(creven) janne fyen vanden voirs(creven)/ goeden houden soude in sijne(n) beleyde also v(er)re het noch voe(r) hen comen was/ cor(am) om(n)ib(us) scab(inis) dempto d(omi)no lud(ovico) pynnoc (et) abs(oloens) aug(usti) des sat(er)d(aigs)