It(em) hoe wale de voirs(creven) gehuysschen de voirs(creven) goede gegoedt hebben ende gewarendeert/ voe(r) eyghen so es nochtans ond(er)sproken al waert dat men h(ier) naemaels bevonde/ dat d(aer) e(n)nigen tsijs uut ghinge boven eene(n) pe(n)ninc loevensch tsjaers of d(aer) onde(er) [niet] gedragen(de)/ dat zij d(aer)o(m)me metter voirs(creven) waranderscap niet gepraemt en souden werden mer/ oft den tsijs hog(er) gedroege dan eene(n) pe(n)ninc loevensch dan souden zij den coepe(r)/ tghene des meer wa(r)e sculdich sijn af de te doen en(de) oft bevonden worde de voirs(creven)/ goede tsijsgoede sijnde soe sullen zij den selven coepe(r) tsijnre manissen en(de) op sijne(n)/ cost [behoerlike] guedingen d(aer)af doen inden hoff daer dat behoirt en(de) d(aer) mede metter/ voirs(creven) geluften van genoechdoen gestaen cor(am) eisd(em)