It(em) dese xvi(½) rijders heeft geloeft de voirs(creven) gielijs den voirs(creven) h(er) claese/ voir de xvi(½) rijd(er)s die den selven h(er) claese gebraken vanden xxiii/ guld(en) rijd(er)s die roelof nouts hem geloeft hadde met ene(n) scepen(en) brieve/ van loeven en(de) voir de xxii d(aer)af hem tond(er)pande gesett zijn huys/ en(de) hof met zijnre toebeh(oirten) geleg(en) inde werst doir de beghijnen porte/ tusschen de goede lijsbette(n) wilen beelen en(de) henrix wilen de vlesse(re)/ dwelc hij [roelof] namaels den voirs(creven) gielijse verond(er)pandt hadde voir (½) mudde/ rogx lijftochten de voirs(creven) verond(er)pandinge vanden gelden verswigen(de) van/ welke xxii rijders de voirs(creven) gielijs nu gereet betaelt heeft den voirs(creven) h(er) claese/ dand(er) v(½) En(de) is d(aer)om tuschen den voirs(creven) h(er) claese en(de) gielijsen bevorw(er)t/ alse vanden voirs(creven) brieve van xvi(½) rijd(er)s en(de) vanden brieve van xxiii/ rijd(er)s d(aer)af de macht mids ov(er)geven(e) d(aer)af gedaen nu op hen beiden sprect/ of op den eene(n) breng(er) sbriefs dat de selve briefve hier ond(er) ons zelen/ bliven liggen(de) tot des(er) meyni(n)gen wairt dat de voirs(creven) h(er) claes van/ e(n)nigen vanden voirs(creven) iii paymenten in gebreke wa(r)e van betalinge(n)/ dat hij dan met den voirs(creven) geluften die gielijs hem gedaen heeft/ of metten voirs(creven) brieve van roelofve nouts en(de) met welken [van beiden] hem/ gelieft hem sal moege(n) behelpen om d(aer) af betalinge te gecrigen bij/ also dat hij m(aer) eens xvi(½) rijd(er)s trecken en sal en(de) die ten paydagen/ boven genoempt en(de) of hem de voirs(creven) gielijs metten voirs(creven) brieve van/ roelove nouts behelpen woude om wed(er) te hebben tgheen dat hij nu d(aer)af/ betaelt heeft oft namaels vanden voirs(creven) reste noch betalen sal d(aer) toe/ sal men hem behulp doen bij also dat hij d(aer) mede niet doen en sal moge(n)/ dat h(er) clase hynd(er)lic mocht wesen de voirs(creven) so(m)me of hijs beg(er)de mette(n) selve(n)/ voirs(creven) brieve te reycken en(de) d(aer)om sal tgheen dat giel(ijs) also d(aer)mede vord(ere)n sal/ gelijc den voirs(creven) brieve(n) alhier bliven tot dat m(ijn) he(re) van al v(er)nueght es
//
En(de) als hij v(er)nueght es so salmen de voirs(creven) gelufte die gielijs gedae(n)/ heeft te nyeute doen en(de) dand(er) gelufte met des giel(ijs) d(aer)af gevord(er)t sal/ hebben giel(ijs) laten volgen behoudelic dien of m(ijn) he(re) hem met/ roelofs brieve alsdan yet behelpen hadde om betalinge te hebbe(n)/ dat dat stad gripen soude sond(er) argelist eisd(em)