Item margriete wedewe cornelijs wijlen lambrechts ende jan hoe(re) zoon te voren uut/ horen brode gedaen sijn comen in tegenwordich(eit) der scepen(en) van loeven(e) ende/ hebben genomen ende bekent dat zij genomen hebben van he(re)n janne de broede pbre/ prieste(r) ende jouffr(ouwe) machtelden sijnre zuster wedewe jans wijlen kerstiaens/ een half boender lants luttel myn oft meer gelegen te berthem tusschen de cop/ strate ende de goede sgodshuys vander banck Te houden ende te hebben van/ halfmerte lestleden eenen t(er)mijn van xii ja(r)en langc deen nae dand(er) sond(er)/ myddel volgen(de) elcx jaers dae(re)n bynnen voe(r) viii moelevaten rogs goets/ en(de) payabels d(er) maten van loeven(e) te sente andriesmisse apostels te betalen/ en(de) te loeven te leve(re)n den voirs(creven) h(ere)n janne ende jouffr(ouwe) machtelden of den/ eenen van hen breng(er) des briefs alle ja(r)e den voirs(ceven) t(er)mijn due(re)nde ende telken/ t(er)mijne alse v(er)volghde schout Ende es vorw(er)de dat de voirs(creven) wynnen/ tvoirs(creven) lant selen wynnen ende werven gelijc reengenoten boven ende/ beneden den voirs(creven) t(er)mijn due(re)nde en(de) die ten eynde vanden selven laten also/ zijt aenveerdt hebben te weten bloet en(de) ten lesten twee ja(r)en sullen sijt/ tvoirs(creven) lant eens wel en(de) loflijc ov(er)mesten cor(am) wynghe hortbeke oct(obris) xxiii