It(em) is vorw(er)de dat elc vanden voirs(creven) borgen hem sal behelpen/ metten voirs(creven) bekenne wa(n)neer hij schadechtich is vand(er) voirs(creven) borchtocht
//
dat hij dairaf schadeloes onthaven worde en(de) niet voird(er) en(de)/ hebben beide de borgen malcand(ere)n geloeft waert dat e(n)nigh van hen/ alleen geleidt wordde om hem tontheffen van alsulker scaden dat hij/ dan also verre alst in hem is den and(ere)n metten selven beleide behulpe(n)/ sal dat hij alsdan oic schadeloes gelost worde zo verre dat hij vand(er)/ voirs(creven) borchtocht d(air)na e(n)inigen cost of last hadde dwelck de voirs(creven) henric/ also hem geco(n)senteert heeft te moegen doen Voirtaen heeft hij hen/ geconsenteert dat elc van hen hem metten voirs(creven) brieve also verre/ behulpen magh dese naeste ii jaer leden zijnde dat hij vand(er) voirs(creven)/ borchtocht gehellic los en(de) ontslagen worde en(de) dat die werde/ afgeleeght of verpand cor(am) eisd(em)