It(em) henrick van kuyck jannes van doerne ende gheert zannen hebben tsame(n) en(de)/ eendrechtichlijc dach van rechte genomen van heden ov(er) viii dagen te mistide/ van zeke(re)n geluften en(de) vorw(er)den die zij malcande(re)n geloeft en(de) voe(r) scepen(en) van/ loeven(e) gedaen hebben aengaende der deylingen vanden beruerlijken ende/ omberuerlijke(n) goeden die hen bleven sijn nae de doot mathijs van deurne/ om alsdan d(aer)af tegen malcande(re)n rechts te plegen cor(am) witte willem(air) no(vembris) xiiii