It(em) lijsbeth wedewe jans wijlen van broechove(n) ende peter van broechove(n) hoe(r) / sone hebben genomen ende bekent dat zij genomen hebben van h(ere)n gheerde de / molde(re) prieste(re) sijn hoeve metten huysen hoven wynnen(de) landen beemden / eeusselen weyden heyden ende ande(re)n hoe(re)n toebehoirten gelegen te wycke / vorst gelijc zij die te voe(re)n gehouden hebben Te houden te hebben en(de) te / wynnen van half merte lestleden eenen t(er)mijn van sess jae(re)n langc elcx / jaers dae(re)nbynnen te weten de wynnende lande op de helicht van allen den / vrucht die jaerlijx d(aer)op wassen sal uutgedaen van rapen die de wynnen / moegen jaerlijx saeyen een half boend(er) ende niet meer die zij alleen hebben / sullen uutgenomen dat zij h(er) gheerde jaerlijx d(aer)af sullen gheven een mudde / tollen Ende de voirs(creven) beemde ende eeusselen metten ande(re)n des voirs(creven) hoeven / toebehoirten elcx jaers voe(r) ende om xxviii gulden pet(er)s d(er) mu(n)ten sh(er)togen / van burg(oign)[en] ende van brabant goet en(de) ghinghe oft de weerde d(aer)af ende / vi capuyne te sente mertens misse te betalen alle jae(re) den voirs(creven) t(er)mijn / due(re)nde ende telken t(er)mijne alse vervolghde schout Tot desen soe sullen de / voirs(creven) wynnen betalen sond(er) afslach vanden voirs(creven) gelde oft pachte allen / den tsijs uuten voirs(creven) goeden gaende uutgenomen xiii gulden(en) d(aer) uut / gaende die zij oec betalen sullen maer die die zij oec in afcortinge / vanden voirs(creven) pachte It(em) sullen noch de voirs(creven) wynnen den voirs(creven) h(ere)n
//
gheerde jaerlijx een vett vercken and(er)half jaer out en(de) drie des voirs(creven) / h(er) gheerts vynghe(re)n dicke van specke Voirts es vorwarde dat de voirs(creven) / wynnen des voirs(creven) her gheerts helicht vanden vlasse bereyden sullen tott(er) / hekelen ende zij selen hem jaerlijx leve(re)n xxv keesen tstuck van sess / potten melx en(de) xxv pont bote(re)n It(em) oec selen de voirs(creven) wynnen jaerlijx / saeyen of planten een half dachmael raepsaets en(de) den saet sullen zij / ende de voirs(creven) h(er) gheert hebben half en(de) haf ende de voirs(creven) h(er) gheerts / tollen vlas keese ende bote(re) saet vercken ende capuyne metter helicht vande(n) / appelen ald(aer) wassende die h(er) gheert oec hebben sal selen hem de voirs(creven) wy(n)nen / te loeven leve(re)n It(em) selen de voirs(creven) wynnen den voirs(creven) h(ere)n gheerde jaerlijx / doen drie corweyden buyten den oeghste hoeytide en(de) saeytide ende zij sullen / alle jae(re) doen decken opte huysinge vander voirs(creven) hoeven inden mey oft in / deve(n)maent twee daghe nuws dackx en(de) eenen dach van ouden dake / ende of de huyse meer deckens h behoefden soe selen zijn meer doen decken / maer mijn he(re) sal hen tot allen den voirs(creven) deckene leve(re)n hout en(de) yser / Voirts sullen zij de huyse houden van wande ende van dake in goeden / state It(em) en sullen de voirs(creven) wynnen hoe(re) hoey stro of e(n)nige andere / voesteringe vanden voirs(creven) goeden comen(de) moegen vercopen maer die / bynne(n) der voirs(creven) hoeven etten ende slijten en(de) dlant d(aer) mede mesten It(em) / selen de voirs(creven) wynnen thout staende opte grechten vanden voirs(creven) goeden / afhouwen maken ende stellen in twee miten d(aer)af mijn he(re) deene de welcke / hij kyest hebben sal en(de) des sullen de wynnen de grechten daers behoeft / verheffen en(de) die houden in goeden state en(de) also laten te hoe(re)n afsceiden / It(em) sal de voirs(creven) h(er) gheert te hemwarts hebben ende behouden de came(re) / bynnen den voirs(creven) hove met hoe(re)n toebehoirten ende als h(ere)n gheerde daer / gelieft te sijne dat sal hij moeten mede gebruycken der wynnen hert / en(de) vier It(em) sullen de voirs(creven) wynnen setten eenen dersscher en(de) h(er) gheert / eenen o(m)me h(er) gheerts helicht vanden corne te dersschen ende de wynne(n) / selen h(er) gheerts derssche(re) den montcost gheven ende daer voe(r) sullen zij / hebben caf en(de) crinssen ende als des voirs(creven) h(er) gheerts coe(re)n gedorsschen / es soe sullent zijt hem te he(re)nthals leve(re)n It(em) en selen de voirs(creven) wynne(n) / bynnen den lesten drie jae(re)n gheen lande moegen hoervruchten sond(er) consent / des voirs(creven) h(er) gheerts Ende alle dese vorw(er)den etc(etera) cor(am) lomb(ar)t dor(ma)le / no(vembris) xxiii /