Van roelande warnier/ Item van alsulker aenspraken alse jan bernhe(re) gedaen heeft voir meye(r) en(de)/ scepen(en) van loeven tot rolande warnier w(er)t die zeke(re) land den h(er)/ scape vand(en) sluysen toebeh(oirende) gepacht heeft Seggende en(de) opdoende/ inden rechte de voirs(creven) jan dat hem de voirs(creven) roeland geloeft ende/ toegeseeght hadde bynne(n) zeke(re)n xiiii nachten die voerleden wa(r)en/ te leve(re)n ter sluysen viii mudden corens thiensch(er) maten en(de) lovensch(er)/ pacht die hij gecocht hadde jeghen de ghene dien tselve coren/ uut ocsuyne vand(er) pechtingen voirs(creven) toebehoirde des hem de/ voirs(creven) roeland ingebreke geweest hadde etc(etera) Bileggende thoeniss(en)/ vandes voirs(creven) es den voirs(creven) roelande d(aer)op v(er)andwerdende dede/ zeggen inden rechte dat hij gheen copmanscap tegen den/ voirs(creven) janne vanden coren alse voirs(creven) es gedaen en hadde/ maer was waer dat hij geseeght mocht hebben tvoirs(creven) coe(re)n/ te leve(re)n bynnen den voirs(creven) xiiii nachten int hof t(er) sluysen/ daer hij dat sculdich was te leve(re)n dwelke hij gedaen/ hadde in tijts en(de) wilen en(de) dat daer gelaten inden zacken/ mids dat de voirs(creven) jan of yeman(de) van zijne(n) wegen daer en/ was om tvoirs(creven) coren tontfane en(de) also hadde vranck/ vanden hove alse gericht zijnde int voirs(creven) h(er)scap oft goed/ vand(er) sluysen tvoirs(creven) coren aenveerde en(de) ontfaen biedende/ des thoeniss(en) etc(etera) Totden welken beide p(ar)tien gewijst zijnde/ en es op heden ten daghe d(aer) toe diene(n)de almeest des hij he(m)/ de voirs(creven) jan sijns thoeniss(en) met volcomen den voirs(creven) roelande/ thoenende almeest des hij hem v(er)meten hadde Es d(aer)nae es?/ behoirlike(n) voirgaend(en) maniss(en) tsmeyers van loeven tvo(n)niss(e)/ der scepen(en) van loeven(en) gegaen dat alsulke(n) aensprake alse de/ voirs(creven) jan ten voirs(creven) roelande w(er)t gedaen hadde den selven/ roelande gheen ontstade doen en zoude Iudicatu(m) p(er) will(e)m(aer)/ lombart (con)sidentibus aliis scabinis o(mn)ib[(us)] m(ar)tii viii