It(em) de voirs(creven) jan en(de) henrick wout(er)s en(de) jan ardeve(n)nes hebben / malcande(re)n geloeft dat elc zijn derdendeel vanden voirs(creven) / lx mottoene(n) lijfpensie(n) also in tijts en(de) uuren betalen sal / dat de ande(re) van zijne(n) gedeelte niet gelast noch bescheedicht / en selen worden en(de) of yeman van hen bij gebreke van / betalinge(n) des and(er)s aengedeelte e(n)nige last of schade ae(n) / gedaen worde die schade en(de) last heeft de gebreckelike va(n) / he(n) geloeft den ande(re)n also belast of beschedicht op te richten / en(de) te betale(n) alse v(er)volghde schout Voert hebbe(n) zij geloeft / zo wa(n)neer e(n)nich borghe sterft dat dan de ghene tot diens / beg(er)te die p(er)soen borge was bleve(n) eene(n) ande(re)n borge setten / sal en(de) zijn medeplichte(re)n d(aer)af scadeloes ontlasten Voertae(n) / hebbe(n) zij gekynt dat jan de meye(r) es borge va(n) weghen / henricx wout(er)s arnt noyens va(n) wegen arnd jans ardeve(n)ne(n)s / en(de) jan vande(n) male van wegen jan wout(er)s eisd(em) /