Cond zij allen lieden dat een deylinghe geschiet sijnde tusschen margrieten/ wynters wedewe jans wijlen pyeders met wille ende consente henrix van/ heyleshem die naeden rechte der stad van loeven(en) beleyd es totten goeden/ des voirs(creven) wijlen jans pyeders in deen zijde ende cleme(n)cien wedewe jans wijlen/ van dyeven janne willems ende goerde bubbele(re) als momboe(re)n hoird(er) werdy(n)nen/ dochte(re)n des voirs(creven) wijlen jans van dyeven ende cleme(n)cien ende henricke vande(n)/ hogenhuys voe(r) hen selven ende voe(r) goessene vanden zande geheeten luycx/ ende sijnen wive dochter der voirs(creven) cleme(n)cien ende wijlen jans van dyeven/ ende oec [voer] henricke janne katlijnen cleme(n)cien lijsbetten ende marien kijnde(re) des/ voirs(creven) henrix die [hij] heeft van katlijnen wijlen van dyeven docht(er) des voirs(creven) wijlen/ jans van dyeven ende cleme(n)cien in dande(re) Alse vanden goeden h(ier) nae bescreven/ de welke de voirs(creven) jan pyeders vercreegh met wijlen cleme(n)cien sijnen voerwive/ moeder cleme(n)cien voirs(creven) Inden yersten van eenen huyse ende hove gelegen inde/ wyerinck tusschen de goede goessens vanden zande voirscr(even) ende claes de/ wa(n)nemake(re) comen(de) met eenen eynde vanden voirs(creven) hove achter de goede des/ voirs(creven) goessens tusschen de g selve goede ende de goede willems de mol platijn/ makers ende neven de goede toebehoirende den huyse geheeten den teemps It(em)/ van eene(n) stuck wijng(ar)ts houden(de) i vierdel oft d(aer) omtrent gelegen inde rauwe/ strate tusschen de goede b(er)telmeeus de hont ende de stocgoede des voirs(creven) jans/ pyed(er)s So es bleven ende gevallen der voirs(creven) margrieten in hoe(re)r deylinghen/ tvoirs(creven) huys metten hove also verre dien achter tselve huys gelegen is op/ allen last ende co(m)mer daer voe(r) uutgaende Voertaen soe sijn bleven der voirs(creven)/ cleme(n)cien ende hoe(re)n medeplichte(re)n tvoirs(creven) stuck wijng(ar)ts metten ande(re)n gedeelte/ vanden voirs(creven) hove gelijc tselve gedeelte vanden hove gelegen is tusschen de/ goede des voirs(creven) goessens vanden zande aen deen zijde ende de goede willems/ van molle aen dande(re) ende de goede toebehoirende den teempse voirs(creven) aen de/ derde ende dander gedeelte vanden voirs(creven) hove der voirs(creven) margrieten aende/ vierde zijde oec op allen last ende co(m)mer die daer sculdich es uut te gaene/ Met alsulker condicien dat de voirs(creven) margriete sal hebben ende behouden hoe(re)n/ oesendrup vanden voirs(creven) huyse ten goeden waert des voirs(creven) goessens gelijc/ tselve huys dien opten dach van heden ald(aer) heeft ende dat dwater comen(de)/ vanden selven huyse ende vanden huysen des voirs(creven) goessens daer neven gelegen/ de selve goessen ende margriete sullen leyden acht(er)warts tusschen hoird(er) beid(er)/ hove doer een goote die zij te gelijken coste selen doen leggen ende houden/ van opden hoeck vanden huyse der selver margrieten lijnrechte tot op den/ cant vanden wat(er)gate daer tegen staende tusschen de huyse des voirs(creven) wille(m)s/ van molle ende jans de clerck te weten opten cant ten goeden waert des/ voirs(creven) willems van molle welke goote hoerer beider erve sceiden sal Welke/ deylinghe de voirs(creven) p(ar)tien geloeft hebben vast ende gestentich te houden [et sat(is)f(acere) p(ro)ut] (et)c(etera)/ Voirts so hebben geloeft de voirs(creven) cleme(n)cie henrick geldens jan willems/ / ende goert de bubbele(re) den voirs(creven) goessen ende sijnen wive in desen te/ vervaen desgelijx heeft geloeft de voirs(creven) henrick geldens sijn voirs(creven) kijnde(re)/ te vervaen soe wa(n)neer die mu(n)dich sijn (et)c(etera) kersmake(re) lynte(re) oct(obris) xxix