Jan kem(er)ling h(er) claes lobbele/ It(em) also als jan kem(er)ling van bynckem ter eenre zijden ende h(er) claes lobbele p(ri)este(r)/ ter ande(re) opden jaersavont lestleden comen sijn voe(r) lodewijken den rijcke/ doen burg(er)meest(er) wesende ende aldaer nae alrehande voergaende redenen en(de)/ woerde der voirs(creven) h(er) claes toeseyde ende geloefde den voirs(creven) janne kem(er)ling/ bynnen eenre maent naestvervolgende te doene goede reekeni(n)ge vandes/ selfs jans goeden daer hij ter goeder meyni(n)gen ende tot behulpe des selfs/ jans nae des(er) stad rechte toe geleydt waert en(de) de brieve noch onder/ heeft vanden welken goeden in absencien vanden voirs(creven) janne die buyten/ lants heeft geweest de voirs(creven) h(er) claes alrehande regiment en(de) bewynt/ gehadt heeft d(aer)inne de voirs(creven) h(er) claes also de voirs(creven) kem(er)ling op heden/ byden raide vander stad op gedaen heeft gebreckelic es geweest hoe/ wale hij bynnen dien tijde oeck d(aer)toe vermaent es gesijn en(de) d(aer)om oeck/ op heden ge[ont]boden byden raide vand(er) stad te comen oft hij alnoch e(n)nighe/ redene van onschoude hadde willen allege(re)n ende mids dien dat de voirs(creven)/ h(er) claes vanden voirs(creven) geluften te voldoen gebreckelijc es geweest en(de)/ op heden als voirs(creven) es niet voe(r) oeghen en(de) heeft willen comen so/ es inden raide vander stad overdraghen ende voe(r) recht ende besceit uut/ gesproken dat de voirs(creven) h(er) claes metten voirs(creven) scepen(en) brieven den voirs(creven)/ janne oft sijnen goeden egheen hynder doen en sal maer sal die den voirs(creven)/ janne gehouden sijn weder te leve(re)n also dat behoirt ende desgelijx es/ ov(er)dragen en(de) get(er)mineert datmen den voirs(creven) janne om sijn naevolgende/ schoude ende gebreke die hem aenden voirs(creven) h(ere)n claese uutstaen en(de) die hem/ de selve h(er) claes onthaven en(de) mids macht vanden voirs(creven) scepen(en) brieven/ opgeboert ende getogen heeft op de goede des voirs(creven) h(ere)n claes alle behoirlike/ behulpe ende vord(er)nisse doen sal tot den verreyckene vandes voirs(creven) es p(rese)ntib[(us)]/ lye(min)[gen] lynte(re) burg(imagistr)[is] et aliis de (con)silio svryd(aeghs) xxx dage in januario/ a(nn)[o] xlix