t(em) lyedeken van beeringen es comen (et)c(etera) ende heeft genomen ende bekent/ dat hij genomen heeft van jacoppen blanckart ende jouffr(ouwe) lijsbetten sijne(n)/

wive hoe(r) [sijn] hoff ende goede gelegen te doerne metten huysen hoven stallen/ schue(re)n en(de) met omtrent xxxiiii boende(re)n wynne(n)s lants d(er) maten van/ doerne totten voirs(creven) hove behoe(re)nde ende ande(re)n sijnen toebehoirten Te houden/ te hebben van half meye naestcomen(de) eene(n) t(er)mijn van xii jae(re)n langc deen/ nae dand(er) sonder myddel volgende elcx jaers dae(re)nbynne(n) om de helicht/ vanden vruchten jaerlijcx opte voirs(creven) goede wassende welc gelicht de/ voirs(creven) jacop sal doen dersschen d(aer)af hij den derssche(r) de dachhue(re)n betalen/ en(de) den voirs(creven) wyn den montcost en(de) als die gedorsschen es soe sal/ de voirs(creven) wyn tcoe(re)n d(aer)af comende den voirs(creven) jacoppe te loeven leve(re)n/ Voirts soe sal hij den voirs(creven) jacoppen sijn staken jaerlijx op sijne(n) wijng(ar)t/ ald(aer) vue(re)n en(de) doeft opte voirs(creven) goede jairlijx wassende sullen de voirs(creven)/ jacob en(de) wyn deylen half ende half des sal de wyn tselve oeft/ ter erden leve(re)n op zijnen last ende des voirs(creven) jacobs helicht te loeven/ leve(re)n Voirt soe sal de voirs(creven) wyn noch hebben den voirs(creven) t(er)mijn langc/ den beemt des voirs(creven) gehuysschen [jacoppe(n)] gelegen int hard(er)broeck en(de) een cleyn/ beemdeken gelegen voe(r) tvoirs(creven) hoff opten last d(aer) voe(r) uutgaende en(de)/ voirtmeer op twee capuyne en(de) twee pe(n)ninge goets gelts de(n) voirs(creven)/ jacoppe oft daert hem gelieft d(aer)af jairlijx te betalen Voirts so es/ vorw(er)de dat de voirs(creven) wyn den cnape des voirs(creven) jacops die hij inden/ oeghst ald(aer) sal seynden den montcost sal gheven en(de) des soe sal de/ selve knape de bande hulpen legghen ende eest dat de voirs(creven) jouffr(ouwe)/ lijsbeth selve alsdan daer compt comen wilt soe salse de voirs(creven) wyn/ halen ende wed(er) thuys brengen It(em) sullen de voirs(creven) jacob en(de) sijn/ huysvrouwe behouden tot hoe(re)n orbe(r) de huysinge h(ier) nae volgende Te/ weten de groote came(r) metter cleynd(er) witter came(re)n en(de) spynden d(aer)/ neven en(de) metten kelde(r) op dand(er) zijde gelegen en(de) came(re)n daer bove(n)/ en(de) metten [pert] stalle d(aer)aen staende en(de) noch twee cleyn camerkens staende/ aenden wermoes hoff Voirt soe es vorw(er)de dat de voirs(creven) wyn over/ tijt sal houden bynne(n) den voirs(creven) hove een weselijc cudde scape en(de)/ de duyven vanden voirs(creven) hove sullen de voirs(creven) jacop en(de) de wyn/ jairlijx hebben half en(de) half des sal de wyn die vueden wel en(de)/ loflijc en(de) oft jacob e(n)nich mest d(aer) omtrent cochte oft dade copen om/ op tvoirs(creven) lant gevuert te werden dat sal de voirs(creven) wyn halen/ en(de) opte voirs(creven) lande vue(re)n tot hoe(re)n meesten p(ro)ffijte Voirt soe sal/ de voirs(creven) wyn alle jae(re) mergelen twee boender vande(n) voirs(creven) lande/ gelijc reengenoten en(de) twee dage mest vue(re)n opte(n) voirs(creven) wyng(ar)t
//
dies sal jacob dmest copen [en(de) wyn sal jacops wijn het [zij] in druven of gevaett te loeven leve(re)n alsgoet jacoppen best gelieft jaerlix te loeven leve(re)n tsijn(en) [huyse] ] It(em) sal de voirs(creven) wyn leve(re)n alle jae(re)/ drie hondert walme(re) en(de) soe wanneer datmen de huysinge d(aer) nu/ staende dect oft and(er)s repareert soe sal voirs(creven) wyn den wercliede(n)/ den cost gheven ende jacob dachue(re)n en(de) de stoffe maer de wyn/ sal de selve stoffe halen ende inden voirs(creven) hove brengen Voirts soe/ sal de voirs(creven) wyn jaerlijx den voirs(creven) jacoppen gheven twee halst(er)/ rapen en(de) den voirs(creven) jacoppen thuys leve(re)n ende alle de lande den/ voirs(creven) have toebehoirende sal de voirs(creven) wyn sculdich sijn te laten gelijc/ die liggen sullen ten sijne(n) incomen [vanden voirs(creven) termijn] voirts soe sal hij alle jae(re)/ moegen saeyen een half boend(er) lants voe(r) sijn yde om voesteringe af/ te hebben op een stuck lants behoudelijc dat hij jacoppen bereyden sal/ lant tot eene(n) halst(er) lijnsaets op te saeyen en(de) alle de voirs(creven) lande sal/ de voirs(creven) wyn wel en(de) loflijc wynnen en(de) werven den voirs(creven) t(er)mijn/ lange te weten den wynt(er)aert op vier getideghe voe(re)n en(de) tsom(er)coe(re)n/ gelijc reengenoten It(em) es vorw(er)de dat de voirs(creven) jacob en(de) de wyn/ moegen van malcande(re)n sceiden ten halven tijde vanden voirs(creven) t(er)mijne/ bij also dat de ghene die sceiden wilt den ande(re)n dat [een jaer] te voe(re)n kun/ digen sal en(de) laten weten It(em) de voirs(creven) wyn openbaerlijc ver/ kent en(de) geleden dat hij metten voirs(creven) jacoppen en(de) sijnd(er) huysvrouwen/ eens wordden es sgheens des h(ier) nae volght Te weten dat hij de/ voirscreven goede houden sal van bu tot halfmeye naestcomen(de) in des(er)/ vuegen dat hij alle dlant uutgedaen dat nu met wynt(er)coe(re)n/ bestaeyt es wel ende loflijc ten behoirlijken tijde sal wy(n)nen ende/ sijn behoeft doen ende den zom(er)aert bescreyen des sal hem de voirs(creven)/ jacop tsaet leve(re)n Voirt soe sal de voirs(creven) wyn houden den voirs(creven)/ tijt lange de scape wesende bynne(n) den voirs(creven) hove des soe sal/ hij hebben ter stont tcaf stroe en(de) crintsen van allen den wynt(er)corne/ en(de) zomercorne dat d(aer) nu inne gedaen es en(de) d(aer)toe twee voed(er)/ hoys en(de) ten eynde vanden selven tijde tvierdel vanden voirs(creven) scapen/ en(de) de helicht van alle der wollen der voirs(creven) scape Voirt soe sal/ de voirs(creven) wyn den sceepe(r) bynne(n) den voirs(creven) hove sijne(n) tijt van/ sijnd(er) hue(re)n due(re)nde houden op sijnen last en(de) hem van sijnd(er) hue(re)n/ contente(re)n It(em) sal de voirs(creven) wyn den derssche(r) die jacobs corens/ dat hij nu heeft bynnen [den] voirs(creven) hove derschen sal comen den/ montcost ghenen It(em) heeft de voirs(creven) wyn noch geloeft/ den voirs(creven) jacoppen te betalen tons(er) vrouwen dage nativitas/ naestcomen(de) neghen rijsce gulden goet en(de) ghinge alse van/ enen p(er)de dat hij hem ge nu gedaen heeft ende alle/ vorw(er)den (et)c(etera) Hier af zijn borgen (et)c(etera) jan van beeringen sijin brued(er)/ wouter van lare brued(er) der voirs(creven) gebruede(re) et p(ri)m[(us)] cor(am) ov(er)wynge/ hazenb(er)ghe oct(obris) vii[a]