Item jan vanden hove zoen jans vanden hove nut(er)tijt woenende te/ wesemale In teg(enwordicheit) der scepen(en) ende burg(er)meest(er)s hier ond(er) gescr(even)/ inden name vand(er) stad gestaen heeft geloeft ende openbairlijc/ toegeseeght dat hij uut egheenen ocsuyne hoedanich het zij hem/ ond(er)wynden en sal verande(re)n belasten oft vercopen e(n)nig(er)hande/ goede van joffr(ouwe) katlijnen zijnre huisvrouwen wegen comen oft/ te comen in wat manie(re)n dat zij mair [gheeft] geloeft ov(er) ende/ openbairlijc willecoert ende consenteert dat die selve goede/ verhandelt worden bijden vrienden van zijnre voirs(creven) huisvrouwe(n)/ ende den ghenen van hoe(re)n vrienden die d(aer)toe naden rechte d(er)/ stad van loeven geleidt zijn oft de macht van hoiren wegen/ hebben selen Geloevende de selve jan wes bijden voirs(creven)/ vrienden oft geleidden oft den ghenen die zij d(aer)toe voirts machtige(n)
//
zullen vanden voirs(creven) goeden gedaen oft gedisponeert sal worden/ vercocht verandert belast oft tot renten uutgegeven vast/ ghestentich ende van weerden te houden tot eeuwighen/ daghen zonder dair tegen bij hem selven oft yeman(ne) and(er)s/ in woirden oft wercken e(n)nichsins te doen oft te comen oft/ yeman(ne) raed oft behulp dair tegen te gebruycken oft laten/ gebruycken zo verre hij dat e(n)nichsins beletten mochte/ Sund(er)linge gelovende ende toeseggende dat hij om/ hier jegen te comen oft gedaen te moegen worden egheen/ voirwerden comanscapen (con)tracte scepen(en) brieve oft/ kynniss(en) doen oft verlijden en sal Mids zijns selfs toesegge(n)/ oft zeghelingen oft voir e(n)nig(er)hande he(re)n p(rese)ncen oft wethoude(re)n/ oft ande(re)n p(er)sonen gheestelijc oft weerlijc hoedanich die/ zijn Ende oft e(n)nige verkynt bezegelt oft verleden waren/ dier in gheenre manie(re)n te gebruycken oft zo verre hij dat/ gewe(re)n sal konnen laten yeman(ne) and(er)s gebruycken in hinde(re)/ oft (con)trarien vandes voirger(uert) es Gelovende tot dien dat hij/ zijn voirs(creven) huisvrouwe om hier tegen gedaen te worden/ noch de voirs(creven) hoir vriende geleidde oft ande(re) die zij des zoude(n)/ moegen mechtigen ne(m)m(er)meer in woirden oft wercken bij/ hem oft yeman(ne) and(er)s hijnd(er) moeyte crot dedinge oft dreygi(n)ge/ doen oft doen doen en sal oft laten voir hem oft van zijne(n)/ wegen e(n)nichsins laten doen in toecomenden tijden zond(er)/ argelist Cor(am) willemair burgim(a)g(ist)ro tymple vynck/ scab(inis) maii xxi/