Van m(ijn) vrouwen pynnocs en(de) den gebrued(er)s van nethene(n)/ Item navolgende der uutspraken van segge(re)n ende ande(re)n handeli(n)gen/ geschiet tusschen vrouwe marien van cortenbach weduwe/ h(er) lodewijx wilen pynnoc ridd(er)s in deen zijde en(de) janne ende/ woute(re)n van nethenen gebruede(re)n t(er) ande(re) so es comen/ voe(r) scepen(en) van loeve(n) de voirs(creven) vrouwe marie ende heeft aldair voert ... ...ghen i kiste dair inne dat wae(re)n/ also zij seyde de brieve vanden stockgoeden dair op duutsp(ra)ke/ gedaen es ende i ande(re) laye van lede(re) dair inne wae(re)n/ alsoe zij zeyde de brieve vanden tsij vercregen(en) tsijs goeden/ dede voerts bringen i ov(er)decten vergulden(en) croes biedende/ in p(rese)ncien vanden voirs(creven) gebruede(re)n hoe(re)n eed behoirliken te/ doen van niet meer brieve te hebben of te weten etc(etera) den/ voirs(creven) stockgoeden of vercregen(en) tsijsgoeden aengaende ende/ voerts dat zij niet meer vliegenderfs en heeft noch en weet etc(etera)/ dan zij voirtiden hen voirtbracht en(de) gecleert heeft ten/ ware den voirs(creven) croes of hij vliegende erve ware/ den bracht [welken] zij alhier bracht heeft ende gestelt metten/ voirs(creven) brieven totten rechte tot des(er) heeft de voirscr(even)/ vrouwe marie hoe(r) gep(rese)nteert bereet of de voirs(creven) ghe/ bruede(re)n bewijsden e(n)nige meer vercregene tsijs goeden/ dan d(aer)op de voirs(creven) brieve spraken hen d(aer)af vesticht te doen/ nae uutwisen d(er) uutspraken met welken p(rese)ntacien zij
//
meynde al wart dat de gebruede(re)n die niet en wilden/ ae(n)nemen hoe(r) gequeten te hebben en(de) voldaen navolgen(de)/ der uutspraken alse vanden voirs(creven) pu(n)ten welke p(rese)ntacien/ de voirs(creven) gebruede(re)n niet aen en namen noch en/ wouden ae(n)nemen want de voirs(creven) vrouwe marie alsoe/ zij zeiden niet genoech en p(rese)nteerden besund(er) [oic] om dat/ heden was also zij seyden den lesten dach vanden tide/ dae(re)n bynnen mijn vrouwe de voirs(creven) pu(n)ten voldaen/ soude hebben ende alsoe en consten zij mids cortheide(n)/ des tijts vanden ande(re)n v(er)cregen(en) tsijs goeden die dair/ wesen moegen egheene bewijseniss(e) gedoen en(de) meynden/ d(aer)om dat zij dach souden hebben om hen te beraden en(de)/ tantwerden mids welken dese zake es aldus bliven/ staende ende geleeght int onthouden van scepen(en) om/ elken namaels te moegen dienen alsoe verre dat/ behoe(re)n sal cor(am) lyemi(n)gen wynghe colene in vigilia/ b(ea)ti joh(ann)is baptiste post nonam
//