Vanden kerckmeest(er)s van hakendovel/ en(de) janne en(de) lyebrechte van houthem/ Item vand(er) zaken geport voe(r) meye(re) en(de) scepen(en) van loeven tuschen/ goerde schoemans en(de) gheerde de briede(re) als kerckmeest(er)s d(er) kercken/ van hakendovel in deen zijde en(de) janne en(de) lyebrechte van houthe(m)/ gebruede(re)n in dande(re) Aldaer de voirs(creven) gebruede(re)n deden lesen/ zeke(re) scepen(en) brieve van loeven d(aer)mede h(er) yweyn wilen van/ houthem ridde(r) hoe(r) vader gegoedt was int jair xiiii[c] xxxii/ junii xxi in xxiiii guill(el)m(us) schilden erflic op zeke(re) goede/ philips wilen van madeghem te weten opt hof va(n) eleshe(m)/ met zijnre toebeh(oirten) tot eleshem gelegen It(em) opte beemde/ geheten de cruysbeemde gelegen te hakendovel Deden/ voirt lesen de leveringhe d(aer)mede hen voe(r) tgebreck vand(en)/ voirs(creven) renten en(de) van zeke(re)n ande(re)n renten jong(er) gecregen die/ zij opte voirs(creven) goede oic hebben de selve goede met/ meye(re) en(de) scepenen(en) van loeven gelevert en(de) in handen gestelt/ zijn welc leveringe geschiedde xxiii dage in april a(nn)[o] l/ in welke leveringhe en(de) scepen(en) brieven de selve gebruede(re)n/ yeschen gehouden te werden D(aer)op de voirs(creven) kerckmeest(er)s/ na dat zij verantwerdt hadden [dat] den voirs(creven) gebruede(re)n van des(er)/ saken tegen hen te [met] eene(n) gedinghe trecht te nemen gestaen/ souden hoewail de selve kerckmeest(er)s gheen p(ro)curacie en/ hadden Deden lesen zeke(re) scepen(en) brieve van loeven d(aer)mede/ de kercke van hakendovel op zeke(re) lasten [van dienste] hadden opte voirs(creven)/ cruysbeemde xxix rijnsch(en) gulden(en) erflic en(de) de leveri(n)ge/ d(aer)mede hen de selve beemde bij meye(re) en(de) scepen(en) van loeve(n)/ gelevert wa(r)en Welcke scepen(en) brieve jong(er) wa(r)en dan de/ scepen(en) brieven d(er) voirs(creven) gebruede(re)n en(de) oic hue(r) leveringhe/ dan de leveringhe d(er) selv(er) gebruede(re)n mair v(er)sochten/ en(de) hoepten d(aer)inne voe(r) de voirs(creven) gebruede(re)n gehouden te/ werden mids eenre quita(n)cien die de voirs(creven) wilen h(er)/ yweyn gegeven hadde d(er) voirs(creven) kercken vanden voirs(creven) rente(n)/ uut eene(n) beleide d(aer)mede hij geleidt was tot den goede(n)/ joffr(ouwen) agneesen weduwe pet(er)s wilen heyme die na/ maels getruwt hadde den voirs(creven) philipse welcke/ quita(n)cie zij deden inden rechte lesen Hevet tvo(n)niss(e)/ d(er) scepen(en) van loeven t(er) maniss(en) smeyers gewijst datme(n)/ de voirs(creven) gebruede(re)n houden soude in hue(re)r leveringen/ vanden renten d(aer)af de brieve voe(r) hen in rechte/ gelesen wa(r)en en(de) hadden de kerckmeest(er)s yet te volgen/ dat zij dat daden metten rechte cor(am) om(n)ib(us) scabinis/ ex(cep)[to] lyemi(n)gen ja(nuarii) xxvii