Item van alsulken geschille als voe(r) den rade vand(er) stad geweest/ es tuschen janne gilkart ende reyne(re)n hanckart die geleidt zij(n)/ na des(er) stad rechte tot den goeden jans wilen le charlier gehete(n)/ wery van plancenoit t(er) eenre zijden en(de) m(er)tene le taintenir/ meye(r) van plancenoit t(er) ande(re) Alse van gebreke va(n) bewijsniss(en)/ en(de) van betalinghen die de voirs(creven) geleidde beg(er)den te hebben/ vanden voirs(creven) meye(r) van zo(m)migen haefliken goeden gebleven/ na de doot des voirs(creven) wilen jans le charlier die de voirs(creven)/geleidde beg(er)den te hebben v martin alse meye(r) metten/ rechte vercocht hadde ende geloeft zeke(re) sculde(re)n d(aer)mede/ te betalen (et)c(etera) Es na zeke(r) verhail en(de) thoeniss(e) dat de/ voirs(creven) meye(r) op heden gedaen en heeft te weten(e) dat hij/ met scepen(en) van twee bancken en(de) ande(re) goede ma(n)nen gethoe(n)t/ heeft vii(½) pl(a)c(ken) meer betaelt te hebben dan tvercoepen/ vanden voirs(creven) goeden gedragen hadde dat de voirscr(even)/ geleidde den cost vanden getuygen en(de) van rechte op/ thoeniss(e) voirs(creven) gegaen en(de) oic den vroentcost van dat zij/ den voirs(creven) meye(r) alleer hier ind(er) vroenten om gebreke/ vand(er) voirs(creven) betalingen hadden doen doen op leggen en(de)/ betalen selen Behoudelic hebben de selve geleidde also/ zij seggen e(n)nich and(er) gebreck aende(n) selven meye(r) dat zij/ dat in gescrifte den rade vand(er) stad ov(er)geven selen/ om na tverantwerden vanden voirs(creven) meye(r) d(aer)af gedaen/ van dien voirt te geschien des recht en(de) bescheid sal/ wesen Act(um) p(re)siden(tibus) jasp(er) abs(oloens) (et) lynthe(re) burgim(a)g(ist)ris (et) aliis/ in (con)silio f(eria) vi m(ar)tii x