Item peter en(de) jan de custe(re) zone peters de custe(re) henrick schelkens/ geheten quisthout en(de) vrancke eveloeghe beide swage(re)n d(er) voirs(creven)/ gebruede(re)n hebben malcande(re)n geloeft dat zij alle de goede/ have en(de) erve die bliven selen na de doot des voirs(creven) peters/ svad(er)s en(de) katlijnen zijns wijfs gelijc deylen selen in vier/ gelijken deelen sond(er) dat yeman van hen d(aer) inne e(n)nich vordel/ hebben sal alwart dat hij na recht mids beleide scepen(en)/ brieven huwelijk(er) vorwerden testamente of and(er)s dair/ inne meer of vorder dan dande(re) gericht ware Geloven(de)/ deen den ande(re)n d(aer)af alt(oos) genoech te doen also dat hem vast/ en(de) genoech sijn moege naen velpe decembr(is) p(ri)ma/