Item peter lollijs woenende te hoelair in teg(ewoirdicheit) heeft bekend/ wettichlic vercocht te hebben henricken vander porten van/ bruessel de goede [en(de) erfpacht] hier na bescreven yerst (½) boend(er) lants/ gelegen inde p(ro)chie van ov(er)ijssche aent ziechuys ald(aer)/ tuschen de goede h(ere)n adriaens van emichoven ridders/ en(de) de goede d(er) erfgenamen henricks wilen sbec mo(m)boirs/ becke(re) It(em) ii zister rogs d(er) maten van ijssche erfpachts/ aen en(de) op een huys en(de) hof jans guedens geleg(en) tov(er)ijssche/ aen tcorenhuys ald(aer) tuschen de strate ald(aer) en(de) de goede jans/ willems It(em) xx pl(a)c(ken) brabantsch(en) mu(n)ten erfchijs op huys/ en(de) hof he jans pickers geleg(en) ald(aer) tuschen de goede/ henrix van rode en(de) de strate ald(aer) It(em) i dachmael/ beemts of d(aer) omtrint gelegen te rosieren tuschen inde/ beemde ald(aer) tuschen de goede svoirs(creven) h(ere)n adriaens in/ deen zijde en(de) de molestrate ald(aer) in dande(re) It(em) ii mudde/ corens d(er) maten van ijssche erfs pachts aen en(de) op/ zeke(re) goede toebehoiren(de) pauwelse pet(er)s gelegen te/ tombeke in div(er)sen plaetsen ald(aer) voe(r) een zeke(re) so(m)me/ van pe(n)ni(n)gen d(aer)af hem de voirs(creven) pet(er) lollijs gekend/ heeft vanden voirs(creven) henr(ick)e vand(er) porten wael v(er)nueght/ en(de) betaelt zijnde Gelovende den voirs(creven) henr(icke) vand(er)/ porten tzijnre zo wanneer henneken lollijs zijn soene/ tsijnen wettighen daghen comen sal zijn dan t(er) maniss(en)/ vand(en) voirs(creven) henr(ick) [hem] te goeden en(de) vestich(eit) te doene voe(r) meye(r)/ en(de) scepen(en) ald(aer) [van loeven] uuten beleide ald(aer) [mede dierick wilen van droegenbroeck totten selve(n) goeden als goede jans wilen de kersmake(re) geleidt es] en(de) oic inden hof dair/ de voirs(creven) goede hoven en(de) dat als vand(er) he(re)n rechte/ op cost svoirs(creven) pet(er)s toeseggende en(de) gelovende de selve/ pet(er) zijnen voirs(creven) zoene hier inne te vervaen dat hij/ met den selve(n) zijnen vad(er) de voirs(creven) vestich(eit) gelijc voirs(creven)/ es doen sal en(de) d(aer) toe behoeflic (con)sent gheven p(ro)ut/ tymple velpe m(ar)tii xix