Item dierick roesele(re) en(de) willem bysscop scepen(en) van wynghe in jeg(ewoirdicheit) d(er)/ scepen(en) van loeven gestaen hebben getuyght en(de) gedragen dat voe(r) hen/ als scepen(en) van wynghe comen zijn op en dijsdaghe nu lestleden/ jan de gheyse(re) van wynghe en(de) marie sijn huysvrouwe weduwe henr(ix)/ wilen stercx in deen zijde en(de) henrick stercks zoen d(er) voirs(creven) marien/ en(de) wilen henrix t(er) ande(re) kennende en(de) lyende dat zij als va(n) zeke(re)n/ geschillen tuschen hen verresen van alrehanden goeden have en(de)/ erve die de voirs(creven) henrick d(er) voirs(creven) zijnre moed(er) en(de) hoe(re)n man/ eyschende was wae(re)n eens wordden en(de) geloefden te houden ende/ malcande(re)n te voldoen tgheens des hier na volght ierst dat de voirs(creven)/ henrick t(er) stont ov(er)hebben sal en(de) erflic behouden alsulken leengoede/ als de voirs(creven) marie met den voirs(creven) wilen henr(ick) te houden plach/ en(de) [oic] die zij na hue(re)n weduwen stoele vercregen heeft gelegen/ inde p(ro)chie van wynghe en(de) d(aer)omtrint ende dat hij desgelijx/ t(er) stont ov(er)hebben sal alsulken gedeelte als hem verstorve(n) es/ van wilen yweyns stercks docht(er) inde omberuerlike goede na/ hoe(r) gebleven Item dat de voirs(creven) henrick noch t(er) stont vand(er) voirs(creven)/ marien en(de) hoe(re)n man hebben sal een coe en(de) ii bedden voirt/ so geloefde de voirs(creven) marie den voirs(creven) henricken hoe(re)n soen te/ gheven twintich gulden rijd(er)s d(aer)af hij hem doen t(er) stont/ kendde vernueght van iiii rijd(er)s en(de) vanden ande(re)n sestien rijd(er)s/ so seyden de voirs(creven) jan dat hij ongeprae(m)pt woude bliven/ mair zo verre de voirs(creven) marie hem die ghave het wae(re) in/ gelde of and(er) haven dat geloefde hij gestedich te houden/ Ende mids desen so hielden hen de voirs(creven) p(ar)tien voir [v(er)]eenight/ en(de) geaccordeert van allen saken die zij und(er)linge uutstaende/ hadden ende deen den ande(re)n eyschende of gehouden mochten/ zijn tot den daghe toe voirscr(even) niet d(aer) inne uutgescheide(n)/ welke scepen(en) van wynge bove(n) genoe(m)t de voirs(creven) saken en(de)/ pu(n)ten in teg(ewoirdicheit) d(er) scepen(en) van loeven v(er)halende tuyghden die/ geschiet zijnde in alle d(er) manie(re)n boven bescreve(n) Bidden(de)/ den scepen(en) van loeven dat zij die voert op hen tuyghen/ en(de) segelen wilden dwelc doen tymple velpe julii iii/