It(em) het is van des(er) geluften bevorwaert want de voirs(creven) arnt meyer es des voirs(creven)/ godsh(uys) te pellenberch tot welk(er) meyerien behoirt alrehande tsijs van/ corne capuyne(n) pe(n)ningen en(de) and(er)s den welken hij jaerlijx inheffen sal te/ kersmisse als dien valt Ende dien voirts den voirs(creven) godsh(uys) uut reycke(n) alle/ jae(re) tusschen sent jansmisse en(de) ons(er) vrouwen [dage] visitacie d(aer)nae d(aer)af den yerste(n)/ geldach sijn sal nu te sent jansmisse naestcomen(de) waert dat hij in/ gebreke wae(re) den voirs(creven) godshuyse d(aer)af te voldoen dat dan tselve goidsh(uys)/ dat gebreck altijt metten voirs(creven) brieve sal moegen verreycken en(de) oec/ betalinge van alsulken pontpe(n)ningen als hij vandes voirs(creven) godsh(uys) wegen op/ heffen sal Behoudelijc den voirs(creven) meye(r) sijne(n) loen vand(er) voirs(creven) meyerien/ gelijc dat gewoenlijc es dien hij aenden voirs(creven) tsijs afcorten sal h(ier)inne/ ond(er)sproken of de voirs(creven) meye(r) bij gebreke van betalingen op e(n)nige goede/ met dagen moeste voirts varen dat hij dat doen sal maer saelt/ den voirs(creven) godshuyse eer hij begynt te dagen kundigen om te weten/ of zij gedaeght willen hebben of niet en(de) of zij hem doen dagen en(de)/ de goede uutgedaeght wordden soe sal tgodsh(uys) d(aer)aff den last dragen en(de)/ of zij niet gedaeght en willen hebben soe sal hij vandien tsijse te betalen/ ongehouden sijn eisd(em)/