It(em) desen brief hebben de voirs(creven) gehuysschen bekend te des(er) meyni(n)gen/ want zij van een lang wijle geseten hebben [en(de) noch doen] dat de voirs(creven) jan/ de soen hem d(aer) mede sal doen leyden alst hem gelieft tot hoe(re)n/ goeden om d(aer) mede te hebben en(de) te trecken nae des voirs(creven) jans sijns/ vad(er)s doot alle de erfgoede van sijne(n) goeden wegen gecomen/ oft die hij gecregen heeft of naemaels hem van sijne(n) weghen/ aencomen sullen of gecrigen sal en(de) desgelijx alle de beruerlijke/ goede die de selve jan sijn vad(er) te hemw(er)ts heeft of hebben sal/ en(de) nae hem bliven sond(er) der voirs(creven) odinen of hoe(re)n erfgenamen of/ naecomelingen e(n)nich tocht oft and(er) recht d(aer)aen te hebben maer/ de voirs(creven) jan de soen en sal h(ier) mede niet moegen wercken/ in (con)trarien sijne(n) vad(er) bynne(n) sijns vad(er)s levene sond(er) des selfs sijns/ vad(er)s (con)sent en(de) dese brieve sal de voirs(creven) jan de vad(er) moegen doen/ cancelle(re)n en(de) te nyeute doen bynne(n) sijne(n) levene op dat hem/ gelieft en(de) hebben oec geloeft de voirs(creven) odine en(de) jan vanden/ ve(n)ne wettich man van odinen der voirs(creven) odine(n) natuerlijk(er) docht(er)/ de voirs(creven) goede des voirs(creven) jans svad(er)s leefdage langc noch d(aer)nae/ in gheene(n) toecomenden tijden aen te spreken of teysschen e(n)nichsins/ maer die den voirs(creven) ja(n)ne en(de) sijne(n) soen en(de) hoe(re)n erfgenamen/ en(de) naecomelingen peyslic te laten volgen tot eeuwigen dagen/ sond(er) argelist eisd(em)/