Item Also als claes kerckmans jan en(de) jacob zijn zoene voirmaels te weten/ int jair xiiii[c] xlvi x dage in april verpacht hebben met scepen(en) brieve(n)/ van loeven tegen brued(er) jacoppen van reppemont conv(er)s sgoidshuys/ van sh(er)togendale Thof en(de) de goede des selfs goidshuys gelegen te/ mollendale eenen t(er)mijn van neghen jaeren langh van halfm(er)te/ doen naest voerleden gelijc de scepen(en) brieve d(aer)op ten voirs(creven) dage/ gemaict dat begripen welke pechtinge zij nu malcande(re)n opgegeve(n)/ hebben So es comen voe(r) scepen(en) van loeven(en) willem de grote van/ bierbeke zoen wilen jans de grote en(de) heeft genomen en(de) bekend/ dat hij genomen heeft vanden voirs(creven) brued(er) jacoppen inden name/ vanden voirs(creven) goidshuise de voirs(creven) goede Te houden te hebbe(n)/ en(de) te wynnen den voirs(creven) t(er)mijn uut en(de) twee jaer na uutgae(n)/ vanden selven t(er)mijne in alle d(er) selv(er) vuegen (con)dicien ende/ manie(re)n de voirs(creven) claes en(de) sijn soenen die genomen hadden/ en(de) de voirs(creven) scepen(en) brieve van loeven d(aer)op gemaect inhouden/ Ende heeft voirt gekend de voirs(creven) willem dat hem de voirscr(even)
//
brued(er) jacob van zijns goidshuys wegen geleend heeft zesthien gulden/ pet(er)s te xviii stuv(er)s tstucke en(de) achthien clinckarts te xiiii stuv(er)s/ tstucke welc gelt de selve wynne den voirs(creven) goidshuise geloeft/ heeft wed(er) te geven te zijnen afscheiden Ende van al des voirger(uert)/ es heeft geloeft de voirs(creven) wyn den voirs(creven) brued(e) jacoppen tot/ behoef svoirs(creven) goidshuys volcomelic te voldoen tallen tijden/ en(de) t(er)mijnen die vallen en(de) verschijnen selen en(de) telken t(er)mijne/ alse vervolghde schout Ende d(aer)voer zijn borgen des voirs(creven) wy(n)ne(n)/ als p(ri)ncipale schulde(re)n ongesund(er)t en(de) elc voir al arnd de grote/ zijn brued(er) woenen(de) te cortbeke ov(er)loe en(de) henrick couwens va(n)/ bierbeke zoen wilen jans couwens et p(ri)m[us] m(ychiel) abs(oloens) et j(asper) abs(oloens) ja(nuarii) vii/