Navolgende den co(m)p(ro)misse voirs(creven) dair inne hen jan rasseal t(er) eend(er) zijden/ en(de) gielijs vanden bossche geheten del roesie(re) t(er) ande(re) uut ocsuyne vande(n) goede(n)/ marien moed(er) des voirs(creven) jans rasseal en(de) wijlen oeden sust(er) des voirs(creven) jans/ en(de) and(er)s tusschen hen uutstaende wettelic v(er)bonden ende gesubmitteert/ hebben So hebben de voirs(creven) segge(re)n ten voirs(creven) tide uutgesproken tghene des hier/ na volght Ierst so seggen de voirs(creven) segge(re)n dat de voirs(creven) gielijs vande(n) bossche/ tsijnre eed alle de brieve die hij ond(er)heeft aenclevende den goeden d(er) voirs(creven)/ marien moed(er) des voirs(creven) jans rasseal en(de) wijlen oeden sust(er) desselfs jans/ ende oic een cedule die hij ond(er)heeft vanden beleidbrieve d(aer) olivier voirs(creven)/ mede geleidt was tot jans rasseal voirs(creven) goeden bringe(n) sal tot jans rasseal/ behoef in hande(n) d(er) voirs(creven) segge(re)n bynne(n) xiiii nachten naistcomen(de) Ende dat/ dat de voirs(creven) jane rasseal gielijse voirs(creven) sal betalen de so(m)me van xxx gulde(n)/ pet(er)s goet ende ghinghe te drie paymenten te weten x pet(er)s d(aer)af te half/ vastene(n) naistc(omende) dander x pet(er)s te sente jansmisse d(aer)na ende de leste x pet(er)s
//
te bamisse d(aer) naest volgende of ombegrepen bynne(n) xiiii nachten na/ elken t(er)mine voirscr(even) Ende van dat de voirs(creven) gielijs eysscht den voirs(creven) ja(n)ne/ ii(½) pet(er)s van huyshue(re)n ende noch xx st(uvers) van vroentcoste dat behouden/ de voirs(creven) segge(re)n te henw(er)ts om hen uutsprake d(aer)af te doen als hen gelieve(n)/ sal Ende voirts so seggen sij dat de voirs(creven) jan rasseal ende gielijs vande(n)/ bossche met des(e) uutspraken selen sijn v(er)e(n)nicht ende v(er)accordeert van allen/ saken die tusschen hen uutstaen mochten tot opden dach van heden welc/ seggen de voirs(creven) p(ar)tien nad(er) uutspraken aengenomen en(de) belieft hebben en(de)/ volcomelic te voldoen ende als voe(r) de betalinge vanden xxx peters/ es borghe bleve(n) de voirs(creven) olivier ramp(ar)t et p(ri)[(us)] roel(ants) m(er)sberghe febr(uarii) xxi/