It(em) cond zij allen lieden want h(er)jan he(re) tot dongelberghe vercocht heeft/ claese vanden werve zijn hof tot ovelaer gelegen en(de) de selve h(er)jan/ ind(er) coma(n)scapen geloeft heeft dat de voirs(creven) goede vijftich mudde/ corens erfspachts weert zijn boven allen co(m)me(re) die de wyn bove(n)/ de voirs(creven) vijftich mudde corens betalen moet en(de) na inhebben der/ vorwerden sculdich es te betalen Ende dat oick inde voirs(creven) goede/ van buyten chijse comen omtrent twintich gripen luttel min of meer/ Ende dese saken noch niet gepuert en zijn en(de) men hier na de/ waerscap voe(r) scepen(en) van loeven en(de) van bruessel doen moet dat/ men e(m)mer niet gedoen en kan ten zij dat de voirs(creven) saken hie(re)n/ bynne(n) gepuert weden daer om eest dat de voirs(creven) h(er)jan he(re) tot/ dongelb(er)ghe comen es voer scepen(en) van loeve(n) en(de) heeft geloeft open/ bairlic dat hij tuschen dit en(de) des sondaighs na belokene(n) paesche(n)/ naestcomen(de) comen sal tot loeve(n) en(de) openbairlic doen prueven wes/ uut den voirs(creven) goeden gheet en(de) wes de wyn betalen moet ende/ oft daer yet meer uutgheet dan de wyn sculdich es te betalen te/ dien eynde datmen daer na de wairscap na inhouden vander/ vorwerden voirs(creven) vanden coop voirs(creven) doen moege Ende dese saken/ by(n)nen desen tide gepuert zijnde dat dan de selve h(er)jan na inhebbe(n)/ vand(er) yerster vorwerden de waerscap vanden goeden voirs(creven) de(n) voirs(creven) claese bynne(n) viii dagen d(aer)na tot loeve(n) en(de) te bruessel doen sall/ It(em) heeft noch geloeft de voirs(creven) h(er)jan dat hij den voirs(creven) claese/ bynne(n) acht dagen den voirs(creven) t(er)mijne vanden voirs(creven) goeden in be/ hoerliker formen afdoen sal alsulken sess mudde corens lijfpensien/ als nu ter tijt opte voirs(creven) goede staen gelijc de p(ri)ncipale vorwerde/ inheeft oic heeft noch geloeft de voirs(creven) h(er)jan he(re) tot dongelb(er)ge/ dat hij met zijnre geselli(n)nen by(n)nen den t(er)mijne voirs(creven) behoerlike/ guedinge en(de) vesticheit doen sal van ene(n) halven boend(er) lands/ gelegen onder de banck van vleitinghen Ende oftmen bevonde dat/ uuten goeden meer ginghe dan de wyn betalen moet daer voer/ sal de vors(creven) he(re) van dongelb(er)ge afcorten voe(r) elken pe(n)ninck twintich/ pe(n)ninge gelijck de yerste voirwerde inheeft hier wae(re)n over claes/ de kersmake(re) en(de) goerd roelofs scepen(en) van loeven gegeve(n) int/ jaer ons he(re)n dusent vierhondert sessendertich xxv daghe in/ februario It(em) notu(m) sit univ(er)s(is) q(uod) nycholaus vanden werve fili[(us)]/ nycholai q(uo)nd(am) vanden werve de antwerpia cont(ulit) warnero de/ longchamp has l(itte)ras p(er) quas hec p(rese)ns est transfixa in om(n)i/ eod(em)q(ue) mo(do) et iu(r)e h(abe)ndas quib[(us)] an(te)dict(us) nychola[(us)] eas prius/ h(ab)ebat Testes joh(ann)es de oppendorp et ludovic(us) rijcke scabi(ni)/ lov(anienses) Dat(um) a(n)no d(omi)ni m(ille) quadrin(gentesi)[mo] quadragesi(m)oprimo me(n)s(is) maii/ die s(e)c(un)da It(em) Cond zij allen lieden dat h(er)jan he(re) tot dongelb(er)ge/ ridde(re) in jeg(ewoirdicheit) d(er) scepen(en) van loeven gestaen heeft geloeft en(de)
//
openbairlic toegeseeght claese vanden werve zone claes wilen/ vanden werve van antwerpen dat hij den selve(n) claese tsijnre/ maniss(e) den groten vive(re) toebehoe(re)nde den hove van ovelaer/ gelegen inde p(ro)chie van hugarden leve(re)n sal tuschen zijn iiii/ steyne sond(er) argelist Hier wae(re)n over wout(er) capellema(n) en(de)/ wout(er) de smet scepen(en) van loeven gegeve(n) int jair ons he(re)n/ dusent vierhondert sessend(er)tich sess dage in januario It(em) not(um)/ sit univ(er)s(is) q(uod) nycholaus vanden werve filius nycholai q(uo)nd(am)/ vanden werve de antwerpia cont(ulit) warnero de longchamp/ has l(itte)ras p(er) quas hec p(rese)ns l(itte)ra est transfixa in o(mn)i eod(em)q(ue) mo(do)/ et iu(r)e h(abe)nd(as) quib(us) dictus nycholaus vanden werve eas p(ri)us/ h(ab)ebat Testes joh(annes) de oppendorp et ludovic(us) rijcke scabini/ lov(anienses) Datu(m) a(n)no d(omi)ni m(ille) quadrin(gentesi)[mo] quadragesimop(ri)mo mensis/ maii die s(e)c(un)da Et h(abuer)unt q(ue)relas h(iis) int(er)f(uerunt) roelands meersb(er)ge/ m(ar)tii xvi