van janne vand(er) falisen en(de) janne del vaul/ Item vanden gedinge dat voe(r) meye(r) en(de) scepen(en) alhier geweest es/ tusschen janne coulon geheten int haenken die na des(er) stad rechte/ es geleidt tot den goeden jans van bo(m)male geheten vand(er) phalise(n)/ die getruwt heeft heylwigen de laittre t(er) eenre zijden en(de) ja(n)ne/ del vaul t(er) ande(re) Alse van drie mudden corens loevensch(en) mate(n) erfs pachts/ toebehoiren(de) wilen boudewijne de le phalise aen en(de) op de/ goede en(de) pande hier na bescreven die de voirs(creven) coulon inden/ rechte dede lesen also hier na volght ierst iiii boend(er) lants/ of d(aer)omtrint gelegen boven le grande phalisen inde p(ro)chie/ van roulx miroir neven den ned(er)sten vive(re) ald(aer) It(em) twee/ gedeelte van eenen boenre lants geheten le fraine geleg(en) inde/ voirs(creven) p(ro)chie It(em) v dach(mail) lants gelegen inde voirs(creven) p(ro)chie neve(n)/ de lande henra langele It(em) ii boend(er) lants gelegen ald(aer) inde/ fosse van wave(re) It(em) vi dach(mail) lants gelegen ald(aer) t(er) plaetsen gehete(n)/ huches It(em) tsestendeel van eenre eene(n) boend(er) lants gelegen/ ald(aer) aende lande vand(en) wittevrouwen te loeven It(em) (½) dach(mail) lants/ gelegen ald(aer) op te rivie(re) gaende van roulx a piet(re)baix It(em) (½) boend(er)/ lants gelegen oic daer neven It(em) [een] dach(mail) lants gelegen neve(n)/ henry de h(er)malt It(em) iii dachmail lants gelegen ald(aer) t(er) plaetse(n)/ geheten adesain It(em) i dach(mail) lants gelegen oic d(aer) neven It(em) tderdel/ van eenen boender lants gelegen ald(aer) op den pleyn de haquyda/ It(em) tsestendeel van eenen boend(er) lants daer den wech doir gaet/ die compt van longeville a piet(re)baix It(em) ii boend(er) lants gelege(n)/ a remont It(em) iiii(½) boend(er) lants gelegen ald(aer) a roibois It(em) (½) boend(er)/ lants gelegen neven den wech ald(aer) by It(em) v dach(mail) lants gelege(n)/te neven de rijne It(em) (½) boend(er) lants gelegen neven den wech/ van graven Aen welke voirgenoemde iii mudde corens [also] de vors(creven)/ jan coulon dede inden rechte seggen dat hem de voirs(creven) de le/ vaul ongebruycke dede versueckende vanden selven iii mudde/ corens opte voirs(creven) pande in zijnen beleide gehouden te worde(n)/ By also hadde de voirs(creven) dele vaul yet te aen te spreken dat hij/ dat doen mochte met rechte welken navolgende de voirs(creven)/ de le vaul alse naman van wilen maroyen weduwe jans/ wilen bourgoix sprack aen en(de) dede seggen dat jan wile(n)/ le bourgoix zijns wijfs voerman and(er)wile de voirs(creven) goede/ en(de) pande terfpachte genomen hadde [teg(en) bauduin de le falise] en(de) om xii mudde corens/ loevensch(en) maten tsjaers en(de) dat hij om de voirs(creven) goede ende/ ond(er)pande te v(er)lichten van dien afgeleeght hadde iii mudde/ corens daer tgedinge om wae(re) welke drie mudde henry/ cadot namaels gecocht en(de) gecregen hadde met scepen(en) brieve(n)
//
van loeven tegen ja(n)ne de buret die tot des voirs(creven) wilen baudewijns/ goeden de le phalise geleidt was dede voirt seggen de voirs(creven)/ de le vaul dat hij selve de voirs(creven) iii mudde corens vercregen/ hadde tegen de voirs(creven) henr(ick) cadot die de selve drie mudde core(n)s/ voe(r) en(de) hij de voirs(creven) de le vaul na beseten en(de) geposs(es)t hadde(n)/ ov(er) x oft xii jaer d(aer)na oft d(aer) omtrint biedende dierste nemi(n)ge/ vanden xii mudde corens voe(r) en(de) de v(er)thijngen vanden/ verthieringe vanden iii mudden afgeleeght en(de) hercocht d(aer)na/ te thoenen met den vynd(er)s vanden hove daer de goede hoefde(n)/ zo verre zij noch levende wae(re)n oft met ande(re)n goede(n) ma(n)nen etc(etera)/ Gem(er)ct dat zijn huys zijn brieve en(de) halv have en(de) aldes d(aer)inne/ was and(er)wile met ongevalle verbrand wae(re) geweest etc(etera)/ hopende wair hij dese poenten gethoenen conste dat jan coulon/ verdoolt wae(re) met zijnen beleide aen de voirs(creven) drie mudde corens/ daer de questie om wae(re) en(de) dat hem den voirs(creven) de le vaul die/ bliven souden en(de) sculdich wae(re)n te bliven met meer ande(re)n/ geliken woirden t(er) cledingen vanden slote d van dien doende/ den voirs(creven) ja(n)ne coulon d(aer)op verantwerdende dede seggen/ dat de selve de le vaul des niet gethoenen en soude en(de)/ alwart dat hijt al thoende des hij hem d(aer)aen v(er)meten hadde/ datt hem den voirs(creven) coulon en(de) sijnen beleide aen de voirs(creven) drie/ mudde corens gheen onstade doen en soude mids allrehande(n)/ reden(en) die hij d(aer)toe allegeerde en(de) dede ond(er) [den] dand(ere)n seggen dat/ de voirs(creven) wilen jan de buret alse met scepen(en) brieven van loeve(n)/ comen en(de) geleidt zijnde tot den goeden des voirs(creven) wile(n) bauduwij(n)s/ de le phalise en(de) d(er) selv(er) iii mudde corens voirs(creven) also mechtich/ zijnde die voer en(de) al eer de voirs(creven) v(er)thieringe vanden selve(n)/ drie mudde corens geschiede als voirger(uert) es in huwelik(er) vorw(er)den/ gegeven en(de) bewijst hadde den voirs(creven) ja(n)ne van boemale gehete(n)/ de le phalise mett(er) voirs(creven) heilwigen zijnen wive en(de) dat/ d(aer)op oic den huwelic toegegaen wae(re) Biedende de voirs(creven)/ coulon dese poenten te thoenen met den ghenen die d(aer)af/ te spreken mochten weten en(de) d(aer) aen by en(de) aen by geweest/ wae(re)n en(de) metden mi(n)sten etc(etera) hopende wair hij die gethoen(en)/ conste dat hem en(de) zijnen beleide de voirs(creven) drie mudde/ corens volgen souden en(de) sculdich wae(re)n te volgen met/ meer ande(re)n woirden tot versthoenen vand(er) (con)clusien van/ dien dienende Naden welken de voirs(creven) p(ar)tien beide tot/ hoe(re)n thoeniss(e) gewijst zijnde [Ende] ten dage d(aer)toe gestelt na dat/ hem de voirs(creven) de le vaul p(rese)nteerde [pijnde] te thoenen en conste hij/ van egheene(n) vanden voirs(creven) pu(n)ten sijns v(er)mets volcomen
//
Ten welken tijde de voirs(creven) jan coulon zijns v(er)mets volquam/ thoenende volcomelic des hij in rechte by geleeght hadde/ gelijc boven verhaelt steet welken thoeniss(e) en(de) des d(aer)aen/ cleeft te beiden zijden gedaen en(de) gesloten zijnde Es na/ voergaende maniss(e) smeyers van loeven(en) en(de) behoirlike/ deliberacie d(er) scepen(en) tvo(n)niss(e) d(er) scepen(en) van loeven d(aer)af/ gegaen en(de) gewesen dat den voirs(creven) ja(n)ne coulon ende/ zijnen beleide de voirs(creven) drie mudde corens volgen sele(n)/ also verre dat noch voer hen scepen(en) comen es Act(um) (et) iudicatu(m)/ sedentib(us) in iudicio scabinat(us) roelants jasp(ar) abs(oloens) witte/ vync lynt(er) m(er)sberghe m(ar)tii penulti(m)a/