Item also alse lodewijck de h(er)toghe van bruessel meye(r) te m(er)chten(en)/ and(er)wile hem p(ri)ncipail gemaict heeft en(de) v(er)loeft aen joffr(ouwe)/ machtilden vanden borchoven en(de) h(ere)n augustijne vanden borchove(n)/ hoe(re)n neve van iii rijd(er)s tsjaers lijftochten en(de) hem oic met/ bisund(ere)n geluften v(er)bonden aen zeke(re) zijn medeborgen gelijc/ dat blijct int regist(er) op de middelste came(re) lib(r)[o] xlix januarii/ xx ten v(er)zuecke en(de) beg(er)ten van henricken pet(er)s vand(er) vue(re)n/ die d(aer)mede alse borge steet en(de) joffr(ouwe) marien van orbais zijns/ wijfs So zijn de voirs(creven) henrick en(de) zijn huisvrouwe gehuissche(n)/ gestaen in teg(ewoirdicheit) d(er) scepen(en) van loeven en(de) hebben openbairlic/ gekynt en(de) verleden dat de voirs(creven) lodewijck dien voirs(creven)/ last van hoiren wegen also ond(er)staen heeft en(de) hem en(de)/ seke(re) zijn vriende dair voe(r) verbonden en(de) verobligeert Geloven(de)/ den selven lodewijcken tot zijnre maniss(e) d(aer)af tontheffen/ en(de) geheellic en(de) al tontslane en(de) van allen schaden te/ hueden en(de) tontlasten sond(er) argelist lynt(er) meersb(er)ge maii xxi/